وزیر ریلوے خواجہ سعد رفیق نے ملک کی موجودہ سیاسی صورتحال پر تبصرہ کرتے ہوئے کہا ہے 10 ماہ بعد عام انتخابات یا پھر 10 برس انتظار۔
خواجہ سعد رفیق نے سماجی رابطوں کی ویب سائٹ ٹوئٹر پر اپنے ٹوئٹ میں کہا کہ گھیراؤ جلاؤ لڑائی بھڑائی بے شک ریاست کو خطرات میں ڈال دینگے، ریاست کو چلنے دیں ،جمہوریت رہی تو مواقع بہت ہوں گے، سیاستدان فیصلہ کرلیں کہ 10 ماہ بعد عام انتخابات یا اس کے لیے پھر 10 برس کا انتظار کریں گے۔
وزیر ریلوے کا کہنا تھا کہ ماورائے آئین اقدامات و حادثات سے بچا جائے، ضد، انا اور خوف کے بت توڑ ڈالیں، غیر متنازع آزادانہ اور شفاف انتخابات، چارٹر آف اکانومی اور نیا میثاق جمہوریت ہی واحد راستہ ہیں۔
10ماہ بعدعام انتخابات یا10برس کا انتظار
گھیراؤ جلاؤ لڑائ بھڑائ بے شک ریاست کوخطرات میں ڈال دینگے
ماوراۓ آئین اقدامات وحادثات سے بچاجاۓ
ضداناخوف کے بت توڑڈالیں
ریاست کوچلنے دیں ،جموریت رھی توموقعے بہت
غیرمتنازعہ فری وفئیرالیکشن ، چارٹر آف اکانومی ،نیامیثاق جمہوریت واحدراستہ ھیں— Khawaja Saad Rafique (@KhSaad_Rafique) October 20, 2022
