پرویزمشرف آئین شکن اور عوام دشمن تھے، سعد رفیق کا ٹوئٹ -
The news is by your side.

Advertisement

پرویزمشرف آئین شکن اور عوام دشمن تھے، سعد رفیق کا ٹوئٹ

لاہور : وفاقی وزیرِ ریلوے خواجہ سعدرفیق کا کہنا ہے کہ پرویزمشرف آئین شکن اور عوام دشمن تھے، ڈکٹیٹر تاریخ کے کوڑا دان کی نذر ہوگئے، قبر پر رونے والا کوئی نہیں۔

تفصیلات کے مطابق وفاقی وزیرِ ریلوے سعد رفیق سماجی رابطے کی ویب سائٹ ٹوئٹر پر اپنے پیغام میں سابق آرمی چیف پرویزمشرف پر خوب برسے ، انکا کہنا ہے کہ پرویزمشرف آئین شکن اور عوام دشمن تھے ، پرویز مشرف کی آمرانہ پالیسیوں نے پاکستان کی بنیادیں ہلا دیں، مشرف کوبچاکر نکال دیا گیا، حکومت تو آپ کی تھی پھر الزام کس پر۔

سعدرفیق نے فوجی حکومتوں پر تنقید کرتے ہوئے کہا ڈکٹیٹرقوم کو مُکے دکھاکراغیارکےتلوے چاٹتےہیں، مشرف بچاکر نکال دئے گئے مگرتاریخ کی عدالت میں غاصب اورقومی مجرم کے لقب سے نہیں بچ سکتے۔

وفاقی وزیرِ ریلوے نے ٹوئٹ میں لکھا ڈکٹیٹر جعلی ترقی اور مصنوعی تبدیلیُ لاتے ہیں ، اقتدار کو دوام بخشنے کیلئے قومی خود مختاری پر سمجھوتے کرتے ہیں لیکن ماضی میں کس نے سمجھوتہ کیا۔

انھوں نے مزید کہا کہ ڈکٹیٹر تاریخ کے کوڑا دان کی نذر ہوگئے، قبر پر رونے والا کوئی نہیں، منتخب حکمرانوں کی کارکردگی خامیوں پر حاوی رہی سو وہ یاد رکھے گئے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Comments

comments

یہ بھی پڑھیں