عام طور پر بازاروں میں ملنے والا کھویا حفظان صحت کے اصولوں کے مطابق تیار نہیں کیا جاتا یا پھر زیادہ وقت گزرنے کے بعد اس کی وہ تازگی اور غذائیت برقرار نہیں رہ پاتی۔

اسی بات کو مدنظر رکھتے ہوئے آج ہم آپ کیلیے ایک ایسی ترکیب لے کر آئے ہیں کہ جس پر عمل کرکے صرف ایک کلو دودھ سے ڈھیر سارا دانے دار کھویا بناسکتی ہیں، گھر میں ہی مزیدار کھویا بنانے کی آسان ترکیب یہ ہے۔

اجزاء

دودھ = 1 کلو

لیموں کا رس = 2 چائے کے چمچ

ملک پاؤڈر = 2 کھانے کا چمچ

چاول کا پاؤڈر = 2 کھانے کے چمچ

دیسی گھی = 1 کھانے کا چمچ

 : کھویا بنانے کا طریقہ

سب سے پہلے دودھ کو ابال لیں اور پھر چولہے کی آنچ دھیمی کردیں، ایک پیالی دودھ الگ کرکے باقی دیگچی میں چمچ مسلسل چلاتے رہیں۔

اب الگ کیے ہوئے دودھ میں چاول کا پاؤڈر اور ملک پاؤڈر مکس کریں اور دیگچی کا دودھ گاڑھا ہونے لگے تو پیالی والا دودھ ہلکے ہلکے دیگچی میں ڈالیں۔

اس کے ساتھ ساتھ چمچ بھی چلاتے رہیں، دودھ میں تھوڑا اور گاڑھا پن آجائے تو اس میں دیسی گھی ڈال دیں اور سب سے آخر میں لیموں کا رس ڈال کر چمچ چلاتی رہیں۔

کچھ دیر بعد کھویا بن کر تیار ہوجائے گا لیکن آپ نے چولہا بند کرنے کے بعد بھی ٹھنڈا ہونے تک چمچ چلاتے رہنا ہے تاکہ اس کی گٹھلیاں نہ بنیں۔