کوئٹہ: وفاقی وزیر صنعت و تجارت نے بلوچستان کے تاجروں فروٹ پراسسنگ پلانٹ کی تنصیب کے علاوہ سریاب اور بوستان میں انڈسٹریل زونز کو دوبارہ فعال بنانے کی یقین دہانی کراتے ہوئے کہا ہے کہ صوبے کے تجاروں کی مسائل ترجیحی بنیادوں پر حل کئے جائیں گے۔
وفاقی وزیر صنعت و تجارت نے کوئٹہ میں چیمبر آف کامرس کا دورہ کیا، اور تاجروں سے تفصیلی بات چیت کی چیمبر آف کامرس کے صدر کا کہنا تھا کہ بلوچستان کے تاجر اربوں روپے ٹیکس دینے کے باوجود سہولیات سے محروم ہیں، پھلوں کیلئے پراسسنگ پلانٹ نہ ہونے کی وجہ سے پھل خراب ہوتے ہیں انڈسٹریز نہ ہونے کی وجہ سے بیروزگاری زیادہ ہے۔
وفاقی وزیر خرم دستگیر نے تاجروں کے مسائل کے حل کی یقین دہانی کراتے ہوئے کہا کہ سریاب اور بوستان اندسٹریل زون کی بحالی کیلئے ہرممکن تعاون کریں گے تاجروں مستقل طور پر چلانے کی ضمانت دیں، درآمد اور برآمد ات میں تاجروں کے مسائل پر ہمسایہ ممالک سے بات کی جائے گی۔
