گوجرانوالہ : وفاقی وزیر توانائی خرم دستگیر کا کہنا ہے کہ عمران خان کو 9 اور 10مئی کے تمام واقعات کی ذمہ داری لینی پڑے گی۔
تفصیلات کے مطابق وفاقی وزیر توانائی خرم دستگیر نے پریس کا نفرنس کرتے ہوئے کہا کہ 9اور10مئی کو جلاؤگھیراؤ ہوا،املاک کو نقصان پہنچایا گیا۔
وفاقی وزیر کا کہنا تھا کہ شہداکی یادگاروں کو جلانا سیاسی اختلاف نہیں ہے، جناح ہاؤس، کورکمانڈرکی رہائش گاہ اور جی ایچ کیو پر حملہ سیاسی احتجاج نہیں۔
خرم دستگیر نے کہا کہ ریڈیو پاکستان کو جلانے والے وہی ہیں جنہوں نے پی ٹی وی پر حملہ کیا تھا، سوچی سمجھی تقسیم کےتحت پاکستان میں آگ لگائی گئی، وفاق صوبائی حکومتوں کیساتھ ملکرشر پسندوں کو گرفتار کرکے سزائیں دلوائے گا۔
ان کا مزید کہنا تھا کہ ن لیگ کوبھی اختلافات رہےلیکن اختلاف کوپاکستان میں آگ لگانےکیلئےاستعمال نہیں کیا، عمران خان کو ان تمام واقعات کی ذمہ داری لینی پڑے گی اور آئین پر عمل کرتے ہوئے ان شر پسندوں سے نمٹیں گے۔
وفاقی وزیر نے مزید کہا کہ وزیراعظم کیخلاف توہین عدالت کی کارروائی ہوئی توپارلیمان دیواربن کرکھڑی ہوگی، عمران خان نےنیب قانون کیخلاف درخواست دے رکھی ہے اسی قانون سے فائدہ بھی لے رہے۔
