The news is by your side.

Advertisement

کمیشن اورکرپشن کا دورختم ہوچکا، اب ہرکام میرٹ پرہوگا،خرم سہیل خان لغاری

لاہور: مشیر وزیراعلیٰ پنجاب خرم سہیل خان لغاری کا کہنا ہے کہ پاکستان تحریک انصاف کی حکومت مثالی ترقیاقتی اورفلاحی کام کرکے تاریخ میں نئے ریکارڈ قائم کر رہی ہے۔

تفصیلات کے مطابق خرم سہیل خان لغاری نے میڈیا سے گفتگو کرتے ہوئے کہا کہ عوام کی ترقی اور خوشحالی کے لیے تمام دستیاب وسائل سے استفادہ کیا جا رہا ہے، عوام کو مایوس نہیں کیا جائے گا۔

مشیر وزیراعلیٰ پنجاب نے کہا کہ پی ٹی آئی حکومت پاکستان سمیت صوبے بھر کے عوام کو پہلی مرتبہ صحت کی مفت سہولیات فراہم کرے گی کیونکہ پی ٹی آئی عوامی خدمت پر مکمل یقین رکھتی ہے۔

خرم سہیل خان لغاری نے کہا کہ وزیراعظم پاکستان عمران خان اور وزیراعلیٰ پنجاب سردارعثمان بزدار کی ذاتی دلچسپی کی بدولت صوبہ پنجاب کی ترقی کے لیے خصوصی پیکیج منظور ہوا جس سے حقیقی معنوں میں ترقی اور خوشحالی کا ایک نیا دور شروع ہو نے والا ہے۔

انہوں نے کہا کہ عوام سے جو وعدے کیے ہیں ان کو ہر حال میں پورا کرنے کے پابند ہیں ، صوبے میں قیام امن اور کرپشن کے خاتمے کے لیے نہ صرف بھرپور اقدامات کیے بلکہ ان کی جڑوں کے خاتمے سے معاشرے کو محفوظ کر رہے ہیں، کمیشن اورکرپشن کا دور ختم ہو چکا ہے اب ہرکام میرٹ پر ہوگا۔

مشیروزیراعلیٰ پنجاب نے کہا کہ پنجاب میں وسائل کی کوئی کمی نہیں، عوام اور نوجوان طبقہ انتہائی باشعور اور باصلاحیت ہے جو ان وسائل سے بھرپور استفادہ حاصل کرنے کی اہلیت بھی رکھتے ہیں۔

Comments

یہ بھی پڑھیں