The news is by your side.

Advertisement

حکومت نے 5 سال غریبوں کو ریلیف نہیں دیا اب کیا دے گی: خورشید شاہ

اسلام آباد: قومی اسمبلی میں اپوزیشن لیڈر  خورشید شاہ کا کہنا ہے کہ حکومت نے 5 سال غریبوں کو ریلیف نہیں دیا اب کیا دے گی، حکومت کو 4 ماہ سے زیادہ کا بجٹ نہیں دینا چاہیئے۔

تفصیلات کے مطابق قومی اسمبلی میں اپوزیشن لیڈر اور پیپلز پارٹی کے سینئر رہنما خورشید شاہ کا کہنا ہے کہ کسی پارٹی سے ورکر نکل جائے تو افسوس ہوتا ہے۔ پارلیمنٹ کو اپنے فیصلے خود کرنے چاہئیں۔

انہوں نے کہا کہ خواجہ آصف کی نا اہلی سے خوش نہیں ہوں، نواز شریف سے بار بار اس قانون کے خاتمے کا کہا لیکن انہوں نے تعاون نہیں کیا۔ ’ججز کو بھی سیاسی معاملات کو سیاسی رکھنا چاہیئے۔ بہتر ہوتا خواجہ آصف کا معاملہ پارلیمنٹ بھیج دیا جاتا‘۔

خورشید شاہ کا کہنا تھا کہ پاکستان کی سیاست پارلیمانی ہونی چاہیئے۔ خواجہ آصف کی نااہلی قانونی نقطہ نظر سے ہوئی ہے۔ نااہلی پارلیمانی نظام کے تحت ٹھیک نہیں۔

انہوں نے آج پیش کیے جانے والے بجٹ کے حوالے سے کہا کہ حکومت کو 4 ماہ سے زیادہ کا بجٹ نہیں دینا چاہیئے۔ حکومت سال کا بجٹ پیش کر کے نئی روایت ڈال رہی ہے۔ ’حکومت نے 5 سال غریبوں کو ریلیف نہیں دیا اب کیا دے گی‘۔

ان کا مزید کہنا تھا کہ موجودہ حکومت میں نئی سرمایہ کاری نہیں آئی۔ حکومت نے قرضوں کا بوجھ بڑھا دیا ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں