خوشاب: بارش کے دوران مکان کی چھت گرنے سے ایک ہی خاندان کے سات افراد جاں بحق، نو زخمی ہوگئے، چار زخمیوں کی حالت تشویشناک ہے۔
پرانا چوک خوشاب کے قریب محلہ نمد گرہ میں بارش کے باعث تین منزلہ بوسیدہ مکان زمین بوس ہو گیا۔ جس کے نتیجے میں ایک ہی خاندان کے سات افراد جاں بحق جبکہ 9 زخمی ہوگئے۔
زخمی ہونے والوں میں سے ایک خاتون اور تین بچوں کی حالت تشویشناک ہے، جاں بحق ہونے والوں میں روبینہ، عبدالرؤف، رضیہ، فاروق، ثوبیا، محمد رؤف، کنزا شامل ہیں۔ سانحہ پر پورے علاقے کی فضا سوگوار ہے۔ جاں بحق افراد کی نماز جنازہ 3 بجے بگڑ والی مسجد میں ادا کی جائے گی۔
