پی ایس ایل 10 میں کراچی کنگز کے آل راؤنڈر خوشدل شاہ کا کہنا ہے کہ مجھے معلوم تھا کہ پشاور زلمی کا پارٹ ٹائمر ہی بولنگ کرے گا۔
کراچی کنگز نے گزشتہ روز پشاور زلمی کے خلاف میچ میں سنسنی خیز مقابلے کے بعد کامیابی حاصل کی، کراچی کنگز نے پشاور زلمی کی جانب سے دیا جانے والا 148 رنز کا ہدف آخری اوورز میں 8 وکٹوں کے نقصان پر حاصل کرلیا۔
خوشدل شاہ کو آل راؤنڈ کارکردگی پر میچ کا بہترین کھلاڑی قرار دیا گیا۔
میچ کے بعد گفتگو کرتے ہوئے خوشدل شاہ نے کہا کہ مجھے معلوم تھا کہ ان کے مین بولرز کے اوورز ختم ہوچکے ہیں اور کوئی پارٹ ٹائم ب ولر ہی آخری اوور کرے گا۔
PSL 10- پی ایس ایل کی تمام خبریں
انہوں نے کہا کہ بابر اعظم ان کے اہم بیٹر ہیں انہیں آؤٹ کرکے ہمیشہ خوشی ہوتی ہے۔
خوشدل شاہ کا کہنا تھا کہ میں اوپر کے نمبر پر بیٹنگ کرکے لطف اندوز ہورہا ہے، بولنگ میں کارکردگی اچھی ہورہی ہے۔
واضح رہے کہ خوشدل شاہ 23 رنز کی ناقابل شکست اننگز کھیلی اور چار اوورز میں 20 رنز دے کر تین کھلاڑیوں کو بھی آؤٹ کیا۔
کراچی کنگز نے سیزن ٹین میں 5 میچ کھیل کر تین میں کامیابی حاصل کی اور دو میں شکست ہوئی، کنگز کی ٹیم پوائنٹس ٹیبل پر 6 پوائنٹس کے ساتھ دوسرے نمبر پر موجود ہے۔
