ممبئی: فلم ’لویاپا‘ سے بڑی اسکرین پر ڈیبیو کرنے والی بالی وڈ کی نوجوان اداکارہ خوشی کپور نے مداحوں کو انوکھا چیلنج دے دیا۔
بونی کپور اور سری دیوی کی بیٹی خوشی کپور نے فلم ’لویاپا‘ میں سُپر اسٹار عامر خان کے بیٹے جیند خان کے ساتھ کام کیا، فلم حال ہی میں او ٹی ٹی جیو ہاٹ اسٹار پر ریلیز کی گئی۔
آج جیو ہاٹ اسٹار نے انسٹاگرام پر خوشی کپور کی ایک ویڈیو پوسٹ کی جس میں انہوں نے مداحوں کو او ٹی ٹی ریلیز پر مبارکباد دی اور بتایا کہ وہ ان کیلیے ایک چیلنج لائی ہیں۔
خوشی کپور نے کہا کہ میں چاہتی ہوں کہ آپ مجھے ٹرول کرنے سے پہلے جیو ہاٹ اسٹار پر میری فلم ’لویاپا‘ دیکھیں، چیلنج یہ ہے کہ تمام لڑکے فلم کو اپنی گرل فرینڈز کے فون پر دیکھیں جبکہ تمام لڑکیاں اپنے بوائے فرینڈز کے فون پر دیکھیں۔
دراصل مذکورہ چیلنج فلم کی کہانی کی عکاسی کرتی ہے جس میں خوشی کپور اور جنید خان نے ’بانی‘ اور ’گورو‘ کا کردار ادا کیا، وہ اپنے فونز کا تبادلہ کرتے ہیں۔ یہ ان کے تعلقات کا امتحان ہے کیونکہ وہ ایک دوسرے کے رازوں کو دریافت کرتے ہیں۔
انسٹاگرام پوسٹ پر ردعمل دیتے ہوئے ایک نے لکھا کہ خوشی سب سے پیاری لڑکی ہے کوئی انہیں کیسے ٹرول کر سکتا ہے؟ دوسرے نے کہا کہ یہ ایک حقیقی فلم ہے اور اداکارہ کی اداکاری بھی اتنی اچھی ہے کہ آپ بیکار ٹرول کر رہے ہوں گے۔
فلم کو سراہتے ہوئے ایک اور مداح نے لکھا کہ فلم کو دیکھا اور اسے حقیقی پایا، آپ اور جنید اس میں واقعی اچھے تھے؛ فلم نے ایک منٹ کیلیے بھی بور نہیں کیا۔
یاد رہے کہ فلم ’لویاپا‘ کے علاوہ خوشی کپور نے اس سال ایک اور رومانوی کامیڈی فلم ’نادانیاں‘ میں کام کیا جس میں سُپر اسٹار سیف علی خان کے بیٹے ابراہیم علی خان نے ڈیبیو کیا۔
