پشاور : خیبرپختونخوااسمبلی میں سینیٹ کے انتخابات ملتوی کردیئے گئے،اپوزیشن ارکان نے سینیٹ الیکشن ملتوی کرنےکی درخواست جمع کرائی تھی۔
تفصیلات کے مطابق خیبرپختونخوااسمبلی میں سینیٹ کےانتخابات ملتوی کردیئے گئے ، الیکشن کمشنر شمشاد خان نے کےپی اسمبلی میں سینیٹ انتخابات ملتوی کرنے کا اعلان کیا۔
خیبرپختونخوا میں مقررہ وقت 9 بجے سینیٹ کےانتخابات شروع نہ ہوسکی تھی تاہم سینیٹ انتخابات کے لئے انتظامات مکمل ہیں،الیکشن عملہ بھی موجود تھا۔
کے پی اسمبلی میں اپوزیشن ارکان نے سینیٹ الیکشن ملتوی کرنےکی درخواست جمع کرائی تھی ، اپوزیشن کےاحمد کریم کنڈی نےصوبائی الیکشن کمشنر کو درخواست جمع کرائی۔
جس میں کہا تھا کہ ہمارے25 ارکان سےابھی تک حلف نہیں لیاگیا،الیکشن ملتوی کیاجائے، جس کے بعد صوبائی الیکشن کمشنر نے اپوزیشن کی درخواست پر چیف الیکشن کمشنرسے رابطہ کرلیا ہے۔
وزیراعلیٰ کے پی کے علی امین گنڈاپور نے کہا تھا کہ اجلاس ملتوی ہوا تو اپنے حق کیلئے لڑیں گے، پارلیمانی پارٹی اجلاس میں ووٹ کے بارے میں بتایا گیا، افطار کے بعد پارلیمانی پارٹی کا اجلاس طلب کیا ہے۔
