کیماڑی واقعے کا مقدمہ فیکٹری مالکان کے خلاف درج

کراچی: کیماڑی آلودگی واقعے کا مقدمہ فیکٹری مالکان کے خلاف درج کر لیا گیا۔

تفصیلات کے مطابق کیماڑی علی محمد گوٹھ میں مبینہ ماحولیاتی آلودگی سے شہریوں کی موت کے واقعے کا مقدمہ موچکو تھانے میں فیکٹری مالکان کے خلاف درج کر لیا گیا۔

مقدمہ علی محمد گوٹھ کے رہائشی خادم حسین کی مدعیت میں درج کیا گیا ہے، جس میں 4 فیکٹری مالکان سمیت دیگر کو نامزد کیا گیا ہے۔

مقدمے کے متن کے مطابق فیکٹریوں سے مضر صحت دھواں، تعفن اور خاک اڑنے سے ماحولیاتی آلودگی پیدا ہوئی، جو انسانی صحت کے لیے جان لیوا ثابت ہوئی۔

کراچی: کیماڑی میں پُراسرار بخار سے 16 بچوں سمیت 19 افراد انتقال کر گئے

درخواست گزار کا کہنا تھا کہ ماحولیاتی آلودگی کے باعث ان کی بیوی، بیٹا اور متعدد دیگر افراد بیمار ہو کر دم توڑ گئے۔

Comments