بالی وڈ کی اداکارہ کیارا ایڈوانی نے اپنی نجی زندگی کے معاملات کو پوشیدہ رکھنے کی اہم وجہ بتا دی ہے۔
ممبئی سے تعلق رکھنے والی 31 سالہ کیارا ایڈوانی اپنے کام اور اداکاری پر تو کافی کھل کر گفتگو کرتی ہیں، تاہم اپنی نجی زندگی کے معاملات کو وہ پوشیدہ اور عوام کی نظروں سے دور رکھتی ہیں۔
انٹرویو میں بالی وڈ اداکارہ اپنے کیریئر میں کامیابیاں سمیٹنے پر خوش کا اظہار کیا ساتھ ہی اس برس فروری میں فلم شیرشاہ کے ہیرو سدھارتھ ملہوترہ کے ساتھ شادی کرنے پر بھی خوشی کا اظہار کیا۔
اداکارہ نے انکشاف کیا کہ وہ اور ان کے شوہر سدھارتھ ملہوترہ کیوں اپنی ذاتی زندگی کے معاملات کو بالکل پرائیویٹ رکھتے ہیں؟
میڈیا رپورٹ کے مطابق اداکرہ نے کہا کہ مجھے ایسا لگتا ہے کہ اپنی ذاتی زندگی کے معاملات پر بہت زیادہ فوکس اور اسے کھلے عام رکھنے سے بطور اداکارہ میری توجہ بٹ سکتی ہے۔
کیارا کا کہنا تھا کہ میری پہلی ترجیح خود کو اداکارہ کے طور پر منوانا ہے، ہماری شادی سے قبل یہ اہم تھا کہ ہم اپنے تعلقات کو محفوظ رکھیں۔
کیارا نے کہا کہ میں اور سدھارتھ دونوں سیلف میڈ ہیں اور سخت محنت اور جدوجہد سے اس مقام تک پہنچے ہیں، لہٰذا ہم نہیں چاہتے کہ ہماری ذاتی زندگی کا ہمارے پروفیشنل کیریئر کی کامیابیوں پر سایہ پڑے۔
