نائیجیریا کے دارالحکومت ابوجا میں اغوا کے بعد یرغمال بنائی گئی پانچ بہنیں کامیابی سے بازیاب کرالی گئی ہیں۔
غیر ملکی ذرائع ابلاغ کے مطابق لڑکیوں کو ہفتے کی رات شمالی نائیجیریا کے جنگل میں پولیس اور فوج کے مشترکہ آپریشن میں بازیاب کرایا گیا۔
یاد رہے کہ 6 لڑکیوں کو رواں ماہ ان کے گھر سے اغوا کیا گیا تھا جس میں سے ایک لڑکی کو فائرنگ کرکے قتل کردیا گیا تھا۔
لڑکیوں کی رہائی کے لیے اغوا کاروں نے تاوان کا مطالبہ کیا تھا، لیکن پولیس بیان میں کسی کو رقم ادا کیے جانے کا ذکر سامنے نہیں آیا ہے۔
دوسری جانب ایرانی فوج کے اہلکار نے اپنے ہی ساتھیوں پر اندھا دھند فائرنگ کردی، جس کے باعث 5 فوجی جاں بحق ہوگئے۔
رپورٹ کے مطابق فائرنگ کا واقعہ ایران کے صوبے کرمان میں فوجی اڈے پر پیش آیا، واقعہ کے بعد اہلکار فرار ہونے میں کامیاب ہوگیا۔ جس کی تلاش شروع کردی گئی ہے۔
افغانستان میں تباہ ہونے والی طیارے سے متعلق اہم انکشاف
اطلاعات کے مطابق فائرنگ کے وقت اہلکار اپنے بیریکس میں آرام کررہے تھے، تاحال یہ معلوم نہیں ہوسکا کہ فائرنگ کرنے کی وجہ کیا تھی۔
