لاہور: پنجاب کے شہر قصور میں اغوا برائے تاوان کا خوفناک کیس آمنے آگیا ہے۔ اغوا کاروں نے نوجوان پر تشدد کر کے ویڈیو گھر بھیج کر 20 لاکھ کا مطالبہ کر دیا ہے۔
اے آر وائی نیوز کے مطابق نوجوان کے اغوا کا مقدمہ 2 ماہ قبل اس کے والد کی مدعیت میں درج ہوا تھا۔ مقدمہ ضلع قصور کے تھانہ پھو لنگر میں نامعلوم ملزمان کے خلاف درج ہوا کیا گیا تھا۔
اغوا کاروں نے زارمت پر بیہمانہ تشدد کیا اور نوجوان کے موبائل سے تشدد کی ویڈیوز بنائیں۔ 20 سال کے نوجوان زارمت پر تشدد کی ویڈیو اے آر وائی نیوز نے حاصل کرلی۔
نوجوان کے والد کا کہنا ہے کہ اغوا کار بیٹے کی ویڈیو بھیج کر 20 لاکھ مانگ رہے ہیں، اغوا کاروں نے دھمکی دی ہے کہ اگر پیسے نہ دیے تو قتل کر دیں گے۔
زارمت کے والد نے مزید کہا کہ اغوا کار اغوا برائے تاوان کی رقم نیازی اڈے پہنچانے کا کہتے ہیں، میرے پاس پیسے نہیں، کہاں سے تاوان کی رقم ادا کروں گا۔
انہوں نے پولیس نے پولیس سے درخواست کی کہ قصور پولیس ملزمان کے خلاف کارروائی کریں اور بیٹے کو بازیاب کرائے۔
