کراچی: کراچی پولیس نے صوفی عبدالقیوم کے قتل کی وجہ زمین کا مسئلہ قرار دے دیا ہے۔
تفصیلات کے مطابق ڈی آئی جی ایسٹ مقدس حیدر اور ایس ایس پی زبیر نذیر شیخ نے آج کراچی میں پریس کانفرنس کرتے ہوئے بتایا کہ صوفی عبدالقیوم کا قتل زمین کا مسئلہ تھا۔
ڈی آئی جی ایسٹ مقدس حیدر نے بتایا کہ صوفی عبد القیوم کو گلستان جوہر میں قتل کیا گیا، 2 ٹارگٹ کلر مولانا عبدالقیوم کو قتل کر کے فرار ہوئے، یہ مذہبی یا فرقہ وارانہ ٹارگٹ کلنگ نہیں بلکہ زمین کا مسئلہ تھا۔
انھوں نے کہا 2 ملزمان نے مولانا کو قتل کرنے کا اعتراف کیا ہے، ان کا مولانا صاحب کے ساتھ زمین پر تنازع تھا۔
پولیس حکام کے مطابق علی اکبر اہم شوٹر تھا، دوسرے کا نام تنویر ہے، دونوں ملزمان کرائے کے قاتل ہیں، علی اکبر نے 2013 میں بھی ایک سیاسی مخالف کو قتل کیا تھا۔
ڈی آئی جی ایسٹ کا کہنا تھا کہ مولانا کو قتل کرنے کے لیے اجرتی قاتل استعمال کیے گئے، مین شوٹر علی اکبر اس سے قبل بھی ٹارگٹ کلنگ کی وارداتیں کرتا رہا ہے۔
