واشنگٹن: ہالی ووڈ اداکارہ و ماڈل کم کارڈیشن نے امریکی صدر ڈونلڈ ٹرمپ سے وائٹ ہاؤس میں ملاقات کی، جیلوں میں قیدیوں کے اصلاحات پر تبادلہ خیال کیا گیا۔
غیر ملکی خبر رساں ادارے کے مطابق عہدہ صدارت سنبھالنے کے بعد پہلی بار ڈونلڈ ٹرمپ نے اداکارہ و ماڈل کم کارڈیشن سے ملاقات کی، 2016 میں ہونے والے صدارتی انتخابات میں کم کارڈیشن نے ڈیموکریٹک پارٹی کی ہیلری کلنٹن کو سپورٹ کیا تھا جبکہ ان کے شوہر ڈونلڈ ٹرمپ کو سپورٹ کررہے تھے۔
ٹرمپ سے ملاقات میں کم کارڈیشن نے جیلوں میں قیدیوں کے اصلاحات اور انہیں ملنے والی سزاؤں کے قوانین میں بہتری سے متعلق گفتگو کی۔
امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر کم کارڈیشن کے ساتھ تصویر شیئر کی اور کہا کہ ملاقات بہترین رہی ہے، ڈونلڈ ترمپ نے بتایا کہ ملاقات کے دوران کم کارڈیشن نے جیل اصلاحات اور قیدیوں کو ملنے والی سزاؤں میں بہتری کے حوالے سے گفتگو کی۔
Great meeting with @KimKardashian today, talked about prison reform and sentencing. pic.twitter.com/uOy4UJ41JF
— Donald J. Trump (@realDonaldTrump) May 30, 2018
دوسری جانب کم کارڈیشن نے جوابی ٹویٹ امریکی صدر کا شکریہ ادا کیا اور کہا کہ امید ہے کہ ڈونلڈ ٹرمپ ڈرگ کے غیر متشدد کیس میں جیل میں قید 62 سالہ ایلیسا مری جوہنسن کو قانونی مدد فراہم کرنے کی منظوری دیں گے۔
I would like to thank President Trump for his time this afternoon. It is our hope that the President will grant clemency to Ms. Alice Marie Johnson who is serving a life sentence for a first-time, non-violent drug offense.
— Kim Kardashian West (@KimKardashian) May 31, 2018
واضح رہے کہ کم کارڈیشن ڈرگ کیس میں قید 62 سالہ خاتون ایلیسا کی رہائی کے لیے کوشاں ہیں، ایلیسیا مری 20 سال سے امریکی جیل میں قید ہیں۔
زندگی کا بہت بڑا عرصہ جیل میں گزرانے والی خاتون کی رہائی کے لیے کم کارڈیشن نے گزشتہ چند ماہ سے مہم چلا رکھی ہے اور ٹرمپ سے ملاقات بھی اسی سلسلے کی ایک کڑی ہے۔