نیٹ فلیکس سیریز میں اپنے کرداروں کے لیے جانی جانے والی جنوبی کوریا کی اداکارہ کم سائی رون 24 سال کی عمر میں چل بسیں۔
رپورٹ کے مطابق جنوبی کوریا کی اداکارہ کم سائی رون سیول میں اپنی رہائش گاہ پر مردہ پائی گئیں، حکام اب ان کی اچانک موت وجہ جاننے کے لیے تحقیقات کر رہے ہیں۔
رپورٹس میں کہا گیا ہے کہ اداکارہ سے ملنے جانے والے دوست نے گھر کا دروازہ نہ کھلنے اور رابطہ نہ ہونے پر پولیس کو اطلاع دی جس کے بعد حکام کو اداکارہ کی لاش ان کے گھر سے ملی۔
پولیس کے مطابق گھر میں کسی مجرمانہ عمل یا بیرونی مداخلت کا ثبوت نہیں ملا تاہم موت کی وجوہات جاننے کیلئے تحقیقات جاری ہیں۔
واضح رہے کہ کم سائی رون نے 9 سال کی عمر میں اپنے کیریئر کا آغاز کیا، انہوں نے اے برانڈ نیو لائف (2009) اور دی مین فرام نوویئر (2010) جیسی فلموں میں اپنی متاثر کن اداکاری کے لیے تیزی سے توجہ حاصل کی۔
