لندن : برطانوی بادشاہ چارلس نے سانحہ پشاور کو انسانیت پر وحشیانہ حملہ قرار دیتے ہوئے کہا خوفناک بم حملے سے صدمے میں ہیں۔
تفصیلات کے مطابق برطانوی بادشاہ چارلس نے پشاور دھماکے کی مذمت کرتے ہوئے سوگوارخاندانوں سے اظہار یکجہتی کیا۔
برطانوی بادشاہ چارلس سوئم نے صدرعارف علوی کےنام خط میں سانحہ پشاور کو انسانیت پر وحشیانہ حملہ قرار دیا۔
برطانوی بادشاہ نے اپنے تعزیتی پیغام میں کہا کہ میں اور میری اہلیہ پشاور میں خوفناک بم حملے سے صدمے میں ہیں اور حملے میں سوگوار خاندانوں کے دکھ کودل کی گہرائیوں سے محسوس کرتے ہیں۔
ان کا کہنا تھا کہ غم کی اس گھڑی میں پاکستانی عوام، حکومت اور متاثرین کے ساتھ ہیں۔
اس سے قبل برطانیہ نے بھی پشاوردھماکے کی مذمت کرتے ہوئے غمزدہ خاندانوں سے یکجہتی کا اظہارکیا تھا۔
اسلام آباد میں تعینات برطانوی ڈپٹی ہائی کمیشن اینڈریو ڈلگلیش نےاپنے ٹویٹ میں کہاکہ پشاورحملے سے وہ غمزدہ اور صدمے میں ہیں، کسی بھی معاملے پرتشددجواز نہیں ہوتا۔
برطانوی ڈپٹی ہائی کمیشن نے کہا تھا کہ حملے میں متاثرین ان کے اہل خانہ اور زخمیوں کی جلد صحت یابی کیلئے دعاگو ہیں۔
