site
stats
حیرت انگیز

جنگل کا بادشاہ بلبلے سے ڈر گیا

لندن: برطانیہ کے پیراڈائز وائلڈ لائف پارک میں دلچسپ واقعہ اُس وقت پیش آیا جب جنگل کا بادشاہ اور دہشت کی علامت سمجھا جانے والا جانور شیر ایک بلبلے کے پھٹنے سے ڈر گیا۔

تفصیلات کے مطابق جنگل کا بادشاہ جس دیکھ کر سب کانپ اٹھتے ہیں اور اُس سے محفوظ رہنے کے لیے کوئی حفاظتی مقام تلاش کرتے ہیں، جانوروں کے بادشاہ سے صرف انسان ہی نہیں بلکہ جانور بھی خوفزدہ رہتے ہیں۔

ویڈیو دیکھنے کے لیے اسکرول نیچے کریں

بادشاہ کا لقب پانے والے اس جانور کا رہن سہن اور طریقہ شکار ایسا ہے کہ ماہرین اس سے دور رہنے کا مشورہ دیتے ہیں مگر حیران کُن واقعہ اُس وقت دیکھنے میں آیا کہ جب برطانیہ کے پیراڈائز وائلڈ لائف پارک میں جنگل کا بادشاہ ایک بلبلے کے پھٹنے سے ڈر گیا۔

برطانیہ کے پیراڈائز وائلڈ لائف پارک نے فیس بک پر ایک ویڈیو جاری کی ہے جس میں ایک شیر بلبلے کے پھٹنے سے ڈرکر پیچھے ہٹتا دیکھا گیا، انتظامیہ نے دلچسپت ویڈیو کو موٹو کا نام دیا ہے۔

ویڈیو دیکھیں

ویڈیو میں دیکھا جاسکتا ہے کہ ایک بلبلا زمین کی طرف آرہا ہے جس کو شیر بغور دیکھ رہا ہے تاہم جیسے ہی وہ زمین سے ٹکرایا پھٹ گیا مگر حیران کن بات یہ ہے کہ اس کے پھٹنے سے آواز تو پیدا نہیں ہوئی مگر شیر خوفزدہ ہوگیا۔

چڑیا گھر انتظامیہ کے مطابق اس شیر کی اپریل کی 8 تاریخ کو دس سال ہوئی جو عام طور پر نوجوان عمر ہوتی ہے۔ منتظمین کا کہنا ہے کہ یہ ویڈیو ’’موٹو‘‘ کی اب تک کی سب سے دلچسپ ویڈیو ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top