بدھ, مئی 22, 2024
اشتہار

پھلوں کا بادشاہ ’آم‘ اب تک مارکیٹ میں کیوں نہیں آیا ؟

اشتہار

حیرت انگیز

ملک میں موسمِ گرما کے آغاز کے ساتھ ہی پھلوں کے بادشاہ آم کا انتظار شروع ہوجاتا ہے اور مئی کے مہینے میں آم کی فصل تیار ہوکر بازاروں میں آجاتی ہے۔

لیکن اس بار مئی کا آدھا مہینہ گزر چکا ہے لیکن بازاروں میں آم کیوں نظر نہیں آرہا؟ اس سوال کا جواب اے آر وائی نیوز کے پروگرام باخبر سویرا میں پیٹرن انچیف آل پاکستان فروٹ اینڈ ویجیٹیبل ایکسپورٹرز ایسوسی ایشن وحید احمد نے دیا اور اس کی بنیادی وجوہات بیان کیں۔

- Advertisement -

انہوں نے بتایا کہ موسمیاتی تبدیلی کی وجہ سے اس بار سردیاں دیر سے گئیں اور گرمی میں تاخیر کے سبب اس کے موسمی اثرات نہ صرف آم بلکہ دیگر فصلوں پر بھی پڑے۔ جس کی وجہ سے موسمی سبزیوں اور پھلوں کا سیزن 20 سے 25 دن آگے چلا گیا۔

 آم

وحید احمد کا کہنا تھا کہ آم کی کاشت کا زیادہ تر انحصار دریاؤں اور نہروں سے منسلک آب پاشی کے نظام پر ہے، رواں برس ماحولیاتی تبدیلیوں کی وجہ سے دریاؤں اور نہروں میں پانی کی کمی سے بھی آم کی فصل کو دھچکا لگا۔

رواں برس آم

انہوں نے کہا کہ موسم کی شدت اور دیگر وجوہات کے سبب سندھ اور پنجاب میں آم کی فصل بہت متاثر ہوئی ہے جس کی وجہ سے اس سیزن میں آم کی پیداوار کم ہونے کے باعث مارکیٹ میں اور بالخصوص ایکسپورٹ پر بھی اس کا برا اثر پڑے گا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں