جکارتہ : سعودی عرب کے فرمانروا شاہ سلمان بن عبدالعزیز نے جنوب مشرقی ایشیا کی سب سے بڑی مسجد "مسجد استقلال” کیلئے قرآن مجید کی آیات کا خوبصورت تحفہ دیا۔
سعودی عرب کے فرمانروا شاہ سلمان بن عبدالعزیز نے انڈونیشیا کے دورے کے دوران جنوب مشرقی ایشیا کی سب سے بڑی مسجد کا دورہ کیا، خادم الحرمین الشریفین نے غلافِ کعبہ کی طرح سیاہ کپڑے پر سنہرے دھاگے سے کشیدہ قرآن مجید کی آیات والا خوب صورت ٹکڑا مسجد استقلال کے لیے تحفے میں دیا ہے۔
انھوں نے انڈونیشی صدر کے ساتھ مسجد استقلال میں نماز ادا کی۔
یاد رہے کہ شاہ سلمان انڈونیشیا کے بارہ روزہ دورے پر ہیں، دونوں ملکوں کے درمیان دو طرفہ تعاون کے گیارہ سمجھوتوں پر دستخط کیے گئے تھے۔
خیال رہے کہ اسلامی ملک کی یہ سب سے بڑی مسجد ایک منفرد فن تعمیر کا شاہکار ہے، اس میں بیک وقت دو لاکھ افراد کے نماز ادا کرنے کی گنجائش ہے، اس کا ایک مینار 90 میٹر بلند ہے جبکہ اس کی مرکزی عمارت دو بڑے گنبدوں پر مشتمل ہے۔
مسجد استقلال انڈونیشیا کی ہالینڈ سے آزادی کی یادگار ہے اور ایسے آزادی کی علامت کے طور پر تعمیر کیا گیا تھا۔