ریاض: سعودی فرمانروا شاہ سلمان کے ثقافتی رقص کرنے کی ویڈیو سوشل میڈیا پر وائرل ہوگئی۔
تفصیلات کے مطابق شاہ سلمان نے دو روز قبل ریاض کے علاقے راس الخیمہ میں منعقد ہونے والی کانفرنس میں شرکت کی اور 82 ملین ڈالر کے 1281 ترقیاتی پیکجز کا اعلان کیا۔
تقریب کے اختتام پر شاہ سلمان نے دیگر شہزادوں کے ہمراہ عرب کا روایتی رقص کیا جس کی ویڈیو سوشل میڈیا پر بھی وائرل ہوئی۔
مزید پڑھیں:سعودی عرب کے قومی ترانہ کا اردو ترجمہ
ویڈیو میں دیکھا جاسکتا ہے کہ شاہ سلمان دیگر شہزادوں کے ہمراہ ہاتھ میں تلوار تھامے ہوئے ثقافتی رقص کررہے ہیں جبکہ اس موقع پر ولی عہد محمد بن سلمان بھی موجود تھے۔ محمد بن سلمان نے فرمانروا کو دیکھ کر مسرت کا اظہار کیا۔
قصر الحكم
الله يحفظكم pic.twitter.com/xLqmsRvWof
— بندر الجلعود (@Bandaralgaloud) February 13, 2019
سعودی سرکاری ایجنسی کی رپورٹ کے مطابق تقریب میں وزیر دفاع محمد بن سلمان، چیئرمین بورڈ سعودی خلا باز اتھارٹی سلطان بن سلمان اور راخن بن سلمان نے بھی شرکت کی۔
رپورٹ کے مطابق کانفرنس میں تصویری نمائش کا بھی اہتمام کیا گیا تھا جسے ’سلمان اور ریاض‘ کا نام دیا گیا تھا۔ اس نمائش میں رکھے جانے والے فن پاروں کے ذریعے شاہی خاندان کی تاریخ اور ثقافت بیان کی گئی تھی۔
