ممبئی: بالی ووڈ کے سلطان سلمان خان کی ایکشن سے بھرپور فلم ’کسی کا بھائی کسی کی جان‘ کا ٹریلر ریلیز ہوتے ہی چھا گیا۔
بھارتی میڈیا رپورٹس کے مطابق ’کسی کا بھائی کسی کی جان‘ میں سلمان خان کے علاوہ وینکٹیش ڈی، پوجا ہیگڑے، شہناز گل، جگاپتی باہو ودیگر اداکاری کے جوہر دکھائیں گے فلم عید الفطر پر سنیما گھروں کی زینت بنے گی۔
سلمان خان فلمز کی پیشکش کسی کا بھائی کسی کی جان کی ہدایت کاری کے فرائض فرہاد سمجی نے انجام دیے ہیں۔
یوٹیوب پر فلم کے ٹریلر کو ریلیز ہوتے ہی چند گھنٹوں میں لاکھوں صارفین دیکھ چکے ہیں۔ اداکارہ پوجا ہیگڑے نے بھی فلم کا ٹریلر شیئر کیا جس میں دبنگ خان کو ایکشن میں دیکھا جاسکتا ہے۔
ٹیزر میں سلمان خان کو فائٹ کرتے دکھایا گیا ہے وہ کہتے ہیں کہ ’صحیح کا ہوگا صحیح اور غلط کا غلط۔‘ میرا کوئی نام نہیں ہے لیکن میں بھائی جان کے نام سے جانا جاتا ہوں۔‘
View this post on Instagram
واضح رہے کہ سلمان خان کی آنے والی فلموں میں ’ٹائیگر تھری‘ اور دبنگ تھری بھی شامل ہیں، دونوں فلموں کو رواں سال ریلیز کیے جانے کا امکان ہے۔