ممبئی: بالی وڈ کے سُپر اسٹار سلمان خان کی آئندہ ریلیز ہونے والی فلم ’کسی کا بھائی کسی کی جان‘ کی شوٹنگ مکمل کرلی گئی۔
سلمان خان نے انسٹاگرام پر اپنی تصویر شیئر کرتے ہوئے کیپشن میں بتایا کہ ’کسی کا بھائی کسی کی جان‘ کی شوٹنگ مکمل ہوگئی۔
اداکار نے پوسٹ میں #Eid2023 کا ہیش ٹیگ بھی استعمال کیا جس سے معلوم ہوتا ہے کہ مداح عید پر سنیما گھروں میں فلم دیکھ سکیں گے۔
متعلقہ: سلمان اور عامر نے ایک ساتھ اسکرین پر واپسی کی تیاری شروع کر دی
پہلے اس فلم کا نام ’کبھی عید کبھی دیوالی‘ رکھا گیا تھا تاہم بعد میں تبدیل کر کے ’کسی کا بھائی کسی کی جان‘ رکھا گیا۔
فلم میں سلمان خان کے ساتھ شہناز گل اور پلک تیواری بھی مرکزی کردار ادا کرتی نظر آئیں گی۔
View this post on Instagram
25 جنوری کو فلم کا پہلا آفیشل ٹریلر ریلیز کیا گیا جس میں ایک موقع پر سلمان خان کو یہ کہتے ہوئے سُنا جا سکتا ہے: ’صحیح کا ہوگا صحیح اور غلط کا غلط۔ میرا کوئی نام نہیں ہے لیکن میں بھائی جان کے نام سے جانا جاتا ہوں۔‘
سلمان خان کے مداح بڑی بے صبری سے فلم کی ریلیز کا انتظار کر رہے ہیں۔
