تازہ ترین

صدرمملکت آصف زرداری سے سعودی وزیر خارجہ کی ملاقات

صدر مملکت آصف علی زرداری سے سعودی وزیر خارجہ...

خواہش ہے پی آئی اے کی نجکاری جون کے آخر تک مکمل کر لیں: وفاقی وزیر خزانہ

اسلام آباد: وفاقی وزیر خزانہ محمد اورنگزیب نے کہا...

وزیراعظم شہباز شریف سے سعودی وزیر خارجہ کی ملاقات

اسلام آباد : وزیراعظم شہبازشریف نے سعودی وزیر...

سعودی وفد آج اسلام آباد میں اہم ملاقاتیں کرے گا

اسلام آباد : سعودی وزیر خارجہ شہزادہ فیصل بن...

فیض آباد دھرنا : انکوائری کمیشن نے فیض حمید کو کلین چٹ دے دی

پشاور : فیض آباد دھرنا انکوائری کمیشن کی رپورٹ...

سلمان اور عامر نے ایک ساتھ اسکرین پر واپسی کی تیاری شروع کر دی

ممبئی: بالی وڈ کے سُپر اسٹارز سلمان خان اور عامر خان نے طویل عرصے بعد اسکرین پر واپس آنے کی تیاری شروع کر دی۔

بھارتی میڈیا میں ذرائع کا حوالہ دے کر دعویٰ کیا جا رہا ہے کہ ’دبنگ خان‘ اور ’مسٹر پرفیکشنسٹ‘ بہت جلد ایک ساتھ اسکرین پر واپس آ سکتے ہیں۔

عامر خان نے سلمان خان کے ساتھ فلم بنانے کی خواہش کا اظہار کرتے ہوئے اداکار کو ایک فلم کی پیشکش کر دی جسے وہ اپنے پروڈکشن ہاؤس کے بینر تلے بنانے کے خواہش مند ہیں۔

متعلقہ: فلم ’پٹھان‘ کا عامر خان سے کیا تعلق ہے؟

ذرائع نے بتایا کہ عامر خان فلم ڈائریکٹر آر ایس پرسنا کے ساتھ گزشتہ کچھ ماہ سے ایک اسکرپٹ پر کام کر رہے ہیں اور ان کا خیال ہے کہ اس میں کردار کے لیے سلمان خان بالکل فٹ ہیں۔

اگر یہ خبر سچ نکلی تو سُپر اسٹارز کے مداحوں کے لیے بڑی خوشخبری ثابت ہوگی کیوں کہ 1994ء میں ریلیز ہونے والی کامیڈی فلم ’انداز اپنا اپنا‘ کے بعد سلمان خان اور عامر خان کو ایک ساتھ مرکزی کردار نبھاتے ہوئے نہیں دیکھا گیا۔

یہاں یہ بات بھی قابلِ غور ہے کہ عامر خان کی حال ہی میں فلم ’لال سنگھ چڈھا‘ ریلیز ہوئی جو بائیکاٹ مہم کی زد میں آگئی۔ فلم کی ناکامی پر مایوس ہوکر ’مسٹر پرفیکشنسٹ‘ نے کچھ عرصے کے لیے انڈسٹری سے بریک لیا ہے۔

ادھر سلمان خان بھی فلم ’کسی کا بھائی کسی کی جان‘ پر کام کر رہے ہیں جو رواں سال 21 اپریل کو سنیما گھروں میں پیش کی جائے گی۔

Comments

- Advertisement -