گھٹنے ہمارے جسم میں بہت اہم کردار ادا کرتے ہیں، اس لیے گھٹنوں میں درد ہر عمر کے لوگوں میں ایک عام شکایت ہوتی ہے، عام طور پر اس کی وجہ عمر کا بڑھنا بھی ہوتی ہے تاہم س کی دیگر وجوہات بھی اہم ہیں۔
گھٹنوں کے درد کی سب سے عام وجوہات میں بھاری چیزوں کو غلط طریقے سے اٹھانا، کیلشیم کی کمی، کمزور لچک، خراب جوتے، پٹھوں کی کمزوری، بغیر وارم اپ کے فٹنس روٹین شروع کرنا شامل ہیں۔
ہماری زیادہ تر حرکات کا انحصار گھٹنوں پر ہوتا ہے اس لیے اگر گھٹنوں کے جوڑ مختلف مسائل کا شکار ہوں تو ہمیں اپنی روزمرہ کی سرگرمیاں انجام دینے میں مشکلات کا سامنا کرنا پڑتا ہے۔ بہت سے لوگوں کو نماز پڑھنے کے دوران التحیات میں دو زانوں ہوکر بیٹھنا تکلیف کا باعث ہوتا ہے۔ ،
اس حوالے سے ڈاکٹر خالد جمیل اختر نے بتایا ہے کہ جن بڑی عمر کے لوگوں کو گھٹنوں کا درد ہے تو انہیں اپنے گھٹنوں کا خاص خیال رکھنا چاہیے اور س پر زیادہ زور نہ دیں، دو زانوں بیٹھنے کے بجائے کرسی پر بیٹھ کر نماز پڑھیں۔
اس کے علاوہ سیڑھیاں چڑھتے اترتے ہوئے دونوں پیر سیڑھی پر رکھ کر چڑھیں اور اتریں، بیڈ یا صوفہ زیادہ نیچا نہ ہو، زمین پر قالین یا گدا بچھا کر بالکل نہ سوئیں یعنی گھٹنوں پر جتنا زیادہ زور دیں گے وہ اتنا ہی درد کریں گے، کیونکہ بڑی عمر میں جوڑ گھسنے کے بعد اسے روکا تو جاسکتا ہے ختم نہیں کیا جاسکتا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
