کوموڈو ڈریگن نامی بڑے سائز کی چھپکلی بیچ سڑک پر آگئی، ایک شخص نے بہادری کا مظاہرہ کرتے ہوئے اسے بھگانے کی کوشش کی جس کی ویڈیو وائرل ہوگئی۔
سوشل میڈیا پر ایک عیجب و غریب ویڈیو زیر گردش ہے جس میں بیچ سڑک پر ایک بہت بڑے سائز کی کوموڈو ڈریگن نامی چھپلکی موجود ہے جو وہاں سے گزرنے والوں کے لیے پریشانی کا باعث بن رہی ہے۔ اس کی جسامت دیکھ کر کوئی اس کے قریب نہیں جارہا۔
اسی دوران ایک شخص جراتمندی کا مظاہرہ کرتے ہوئے اس مگرمچھ کی طرح کی چھپکلی کو ڈنڈے سے ہٹانے کی کوشش کرتا ہوا نظرآتا ہے تاکہ سڑک پر موجود یہ رکاوٹ ہٹ جائے۔
مذکورہ شخص نے اسے سڑک سے دور کرنے کی کافی کوشش کی اور کوموڈو کو پیچھے سے کئی بار لکڑی بھی چبھوئی مگر وہ ٹس سے مس نہیں ہوتی اور سڑک پر ہی رہتی ہے۔
بیچ سڑک پر اتنے بڑے سائز کی چھپکلی کی موجودگی ٹریفک روانی میں خلل کا سبب بھی بن رہی تھی اور لوگ اس کے ڈر کی وجہ سے دور سے آتے جاتے نظر آرہے ہیں۔
اس ویڈیو کو اب تک 28 ہزار سے زائد بار دیکھا جاچکا ہے اور لوگ ملے جلے ردعمل کا اظہار کررہے ہیں۔ کچھ لوگ مذکورہ شخص کی بہادری کی تعریف کررہے ہیں جبکہ کچھ کا کہنا ہے کہ اس طرح کے خطرناک رینگنے والے جانوروں کو مار دینا چاہے۔
واضح رہے کہ کوموڈو ڈریگن چھکلیوں کی ایک منفرد قسم ہے جو کہ انڈونیشا کے دور دراز جزیروں میں پائی جاتی ہیں۔ ان کا زہر بھی سانپوں جتنا ہی مہلک ہوتا ہے۔ دنیا میں ان چھکلیوں کی تعداد 3400 کے قریب ہے اور یہ معدومیت کے خطرے سے دوچار ہیں۔
