کراچی : کورنگی زمان ٹاؤن میں شہری کی فائرنگ سے دو ڈاکوؤں کی ہلاکت معاملے میں اہم پیشرفت سامنے آئی ہے، دونوں ہلاک شدگان کی شناخت ہوگئی۔
تفصیلات کے مطابق واقعہ کورنگی زمان ٹاؤن میں پیش آیا جہاں لوٹ مار کے دوران 2 ڈاکوؤں کو شہریوں نے دھرلیا، شہریوں کے تشدد اور فائرنگ سے 2 ڈاکو شدید زخمی ہوگئے جنہیں تشویش ناک حالت میں اسپتال منتقل کیا گیا جہاں دونوں دم توڑگئے۔
اس حوالے سے زمان ٹاؤن پولیس کا کہنا ہے کہ ہلاک ہونے والے دونوں ڈاکوؤں کی شناخت ہوگئی ہے، جن کے نام عبدالرحمان اور عبدالخالق ہیں۔
پولیس کے مطابق ہلاک ڈاکو کورنگی سیکٹر51ڈی جمعہ گوٹھ کے رہائشی اور آپس میں گہرے دوست تھے، ڈاکو اپنے گھر والوں کو قبرستان جانے کا بتا کر نکلے تھے۔
دوران واردات شہریوں نے موقع پر انہیں گھیر لیا تو ڈاکوؤں نے گھبرا کر فائرنگ کردی، ڈاکوؤں کی فائرنگ سے ایک شہری حفاظت علی زخمی ہوا۔
موقع پرموجود حفاظت علی نامی شہری نے اپنے ذاتی اسلحے سے جوابی فائرنگ کی مارے گئے مبینہ ڈاکوؤں سے چھینا ہوا موبائل فون، پرس اوراسلحہ بھی برآمد ہوا۔
ملزمان فائرنگ کے بعد فرار ہونے کی کوشش کر رہے تھے لیکن راستہ نہیں ملا، شہریوں کے تشدد اورفائرنگ سے دونوں ڈاکو ہلاک ہوئے۔
پولیس کا کہنا ہے کہ ہلاک ہو نے والے ایک ڈاکو کو اگلے ماہ سعودی عرب جانا تھا، ملزمان کے اہلخانہ کے مطابق دونوں دوست گارمنٹس فیکٹری میں کام بھی کرتے تھے۔
ہلاک ہونے والے ڈاکوؤں کے قبضے سے اسلحہ اور لوٹا ہوا سامان برآمد کرلیا گیا ہے، جن شہریوں سے لوٹ مارکی گئی انہوں نے بھی ڈاکوؤں کی شناخت کرلی ہے۔
موقع پرموجود حفاظت علی نامی شہری نے اپنے ذاتی اسلحے سے جوابی فائرنگ کی مارے گئے مبینہ ڈاکوؤں سے چھینا ہوا موبائل فون، پرس اور اسلحہ بھی برآمد ہوا۔
