کراچی کے ضلع کورنگی کے علاقے میں ہتھکڑی لگا کر پولیس کے حلیے میں آنے والے ملزمان لاکھوں کا سونا لوٹ کر فرار ہوگئے۔
تفصیلات کے مطابق کراچی کے ضلع کورنگی کے علاقے زمان ٹاؤن میں 4 روز قبل ہونے والی واردات کا مقدمہ سامنے آگیا۔
مدعی مقدمہ راؤ عثمان کے مطابق الیکٹرانک سروس شوٹر کا کام کرتا ہوں گھر سے کام پر گیا تھا اس وقت بیوی نے واردات کی اطلاع دی جب میں گھر پہنچا تو 17 سالے بیٹے کو ہتھکڑی لگی تھی اور بیوی رو رہی تھی، پولیس کیپ اور ٹراوزر پہنے 5 ملزمان نے واردات انجام دی۔
متن میں کہا گیا ہے کہ بیوی نے بتایا کہ تین ملزمان اندر دو باہر کھڑے رہے ملزمان نے بیٹے احسان کو ہتھکڑی لگائی اور کمرے میں بٹھادیا، میری بیوی کی بالیاں چوڑیاں لاکٹ انگوٹھیاں سب اتاری کمرے میں رکھا ہوا مذید سونا بھی ملزمان لے گئے،
عثمان نے بتایا کہ ملزمان نے تقریباً 16 لاکھ روپے کا سونا موبائل اور دیگر سامان لوٹا ہے، متن کے مطابق تینوں ملزمان کے ہاتھ میں پستول موجود تھے باہر موجود دو موٹر سائیکلوں پر پینٹ شرٹ میں ملزمان تھے، پانچوں ملزمان واردات کے بعد موقع سے فرار ہوگئے۔
