پاکستان کو کوویکس کے تحت کورونا ویکسین کی فراہمی رواں ہفتے سے شروع ہو جائے گی۔
ذرائع کے مطابق پاکستان کو کوویکس کے تحت ویکسین کی پہلی کھیپ ہفتے کو فراہم کی جائے گی۔ پاکستان کو کوویکس کےتحت آسٹرازنیکا کی12لاکھ ڈوز ملیں گی۔
پاکستان کورونا سے متعلق عالمی اتحاد کوویکس کا رکن ہے۔ کوویکس پاکستان کی 20فیصدآبادی کو مفت ویکسین فراہم کرےگا۔
کوویکس منصوبہ
کوویکس کرونا ویکسین کی فراہمی سے متعلق قائم ایک منصوبہ ہے جس کی قیادت مشترکہ طور جی اے وی آئی ویکسین گروپ، عالمی ادارہ صحت اور وبائی امراض کی تیاریوں سے متعلق اتحاد کی جانب سے کی جارہی ہے جس کا مقصد حکومتوں کی جانب سے کووڈ-19 ویکسینز کی ذخیرہ اندوزی کی حوصلہ شکنی کرنا ہے۔
اس مشن کے تحت دنیا میں سب سے زیادہ خطرے کا شکار ملک کو سب سے پہلے ویکسین کی فراہمی پر توجہ مرکوز کی جائے گی۔ اس وقت دنیا بھر میں دوا ساز اور ریسرچ سینٹرز کووڈ-19 ویکسین کی تیاری کی دوڑ میں شامل ہیں۔
خیال رہے کہ ویکسین کی حتمی تیاری کے بعد ان کی خوراکیں دیگر ممالک کو فرہم کی جائیں گی۔
