The news is by your side.

Advertisement

خیبرپختونخوا حکومت کا عید سادگی سے منانے کا اعلان

پشاور : خیبرپختونخوا حکومت نے عید سادگی سے منانے کا فیصلہ کرلیا ، وزیراعلیٰ خیبرپختونخوا نے عوام سے اپیل ہے کہ عید سادگی سے منائیں اور عیدالفطرکےموقع پراجتماعات سے گریز کریں۔

تفصیلات کے مطابق خیبر پختونخوا حکومت نے عید الفطر سادگی سے منانے کا فیصلہ کیا ہے، اس حوالے سے وزیراعلیٰ خیبر پختونخوا محمود خان نے کہا ہے کہ عید الفطر مذہبی تہوار ہے، عوام سے اپیل ہے کہ عید سادگی سے منائیں۔

انہوں نے عوام سے کہا ہے کہ عیدالفطر کے موقع پر اجتماعات سے گریز کیا جائے جبکہ وزرا، مشیران، معاونین اور اراکین اسمبلی کو بھی ہدایت کی عیدالفطر کا تہوار سادگی سے منائیں اور کورونا وائرس سے بچاؤ کے لیے جاری کردہ ایس او پیز پر عمل درآمد کو بھی یقینی بنایا جائے۔

مزید پڑھیں : عوام عید گھر پر رہ کر منائیں، وزیراعلیٰ سندھ

یاد رہے وزیراعلیٰ سندھ سید مراد علی شاہ نےعید کا دن کرونا کے خلاف جنگ لڑنے والے میڈیکل عملےکے نام کرتے ہوئے عوام سے اپیل کی تھی کہ عیدالفطر کا تہوار سادگی سے گھروں پر رہ کرمنائیں اور وزیراعظم عمران خان سے بھی کہا تھا کہ وہ عید الفطر سادگی سے منانے کا قومی اعلان کریں۔

خیال رہے محکمہ صحت کےپی کے مطابق خیبرپختونخوامیں کوروناسے24گھنٹےمیں مزید14افرادجاں بحق ہوئے ،جس کے بعد کوروناسےاموات365ہوگئیں جبکہ صوبہ میں کورونا سے متاثرہ افراد کی تعداد7ہزار155ہوگئی ہے اور اب تک کورونا کے 2ہزار198مریض صحتیاب ہوچکے ہیں.

fb-share-icon0
Tweet 20

Comments

comments

یہ بھی پڑھیں