پشاور: وزیراعظم عمران خان کی ہدایت پر خیبرپختونخواہ کا گورنر ہاؤس عوام کی سیروتفریح کے لیے کھول دیا گیا۔
تفصیلات کے مطابق وزیراعظم کی سادگی اور کفایت شعاری مہم کے سلسلے میں حکومت نے عمران خان کی ہدایت پر حکومت نے سندھ اور پنجاب کے بعد اب کے پی کے گورنر ہاؤس کے دروازے عوام کے لیے کھول دیے۔
اتوار کے روز گورنر ہاؤس کھلا تو طالبات کی بڑی تعداد یہاں پہنچی جہاں خیبرپختونخواہ کے گورنر شاہ فرمان نے انہیں خوش آمدید کیا۔
طالبات نے مسرت کا اظہار کرتے ہوئے کہا کہ وہ اپنی زندگی میں پہلی بار گورنر ہاؤس میں نہ صرف داخل ہوئیں بلکہ آج یہاں سیر و تفریح کے ساتھ گورنر سے بنفس نفیس ملاقات بھی کررہی ہیں۔
کالج اور یونیورسٹیز کی طالبات نے کپتان کی سادگی مہم اور حکومتی مقامات عوام کے لیے کھولے جانے کو سراہا۔
KP Governor House is now open for Public :: Girls of different colleges paid a visit to the Governor House today, next week it will be open for families !#KPKUpdates pic.twitter.com/azsug7eoWs
— KPK Updates (@KPKUpdates) September 30, 2018
واضح رہے کہ گزشتہ روز خیبرپختونخواہ کے گورنر ہاؤس کو ہر اتوار عوام کے لیے کھولنے کا اعلان کیا گیا تھا، آج پہلے مرحلے میں حکومت نے صرف طالبات کو دورے کی اجازت دی تھی تاہم اسے آئندہ اتوار سے عام لوگوں کے لیے کھول دیا جائے گا۔
