پشاور : محکمہ سیاحت نے سیاحتی مقامات کاقدرتی حسن برقراررکھنے کے لئے قوانین وضع کرتے ہوئے قوانین کی خلاف ورزی پر جرمانے عائد کر دیئے۔
تفصیلات کے مطابق سیاحتی مقامات کاقدرتی حسن برقراررکھنے کے لئے قوانین وضع کردیےگئے ، محکمہ سیاحت کا کہنا ہے کہ قوانین کی خلاف ورزی پرجرمانہ وصول کیا جائے گا۔
محکمہ سیاحت کی جانب سے اعلامیہ میں کہا گیا کہ کمراٹ اورکالام ڈیویلپمنٹ اتھارٹیز کیلئےرولزوضع کئے گئے ہیں ، کھدائی یازمین سےپتھرنکالنےپر10ہزارجرمانہ عائدہوگا جبکہ بغیراجازت واٹرسپلائی کنکشن لینے پر 5 لاکھ جرمانہ ہوگا۔
اعلامیے کے مطابق سڑک، گلی یا نالے کو نقصان پہنچانے پر 25ہزار ، غیرقانونی ہاؤسنگ سوسائٹیزکےقیام پر3 سال قید یا 20لاکھ روپے اور مذبح خانہ کےعلاوہ کسی اورجگہ جانورذبح کرنےپر12ہزار جرمانہ ہوگا۔
نکاسی آب، پانی کی سپلائی کیلئے موجود میٹر، آلات کو نقصان پہنچانے پر 50ہزار، پبلک مقامات سمیت دیگرجگہوں پرآلودگی پھیلانے پر 20 ہزار ، غیرقانونی اسپیڈبریکربنانےپر20ہزارروپے اور تعمیراتی ملبہ ٹھکانےنہ لگانےپربھی20ہزارجرمانہ عائدہوگا۔
