پشاور: کے پی حکومت نے وزار تنخواہوں کے ترمیمی بل پر اعتراض خلاف آئین قرار دے دیا۔
تفصیلات کے مطابق خیبر پختون خوا کی حکومت نے وزرا کی تنخواہوں اور مراعات کے ترمیمی بل پر گورنر کا اعتراض مسترد کر دیا۔
ذرائع کا کہنا ہے کہ اسپیکر کے پی اسمبلی سیکرٹریٹ نے گورنر ہاؤس کو ایک مراسلہ ارسال کر کے کہا ہے کہ وزرا کی تنخواہوں اور مراعات کے ترمیمی بل پر اعتراض آرٹیکل 115، 116 کی خلاف ورزی ہے۔
مراسلے میں کہا گیا ہے کہ گورنر صوبائی حکومت کی جانب سے منظور کردہ منی بل پر دستخط کرنے کے پابند ہیں۔
واضح رہے کہ ترمیمی بل میں صوبائی حکومت کے ہیلی کاپٹر کے استعمال کے حوالے سے ترامیم کی گئی ہیں، جب کہ گورنر کے پی نے وزیر اعلیٰ اور گورنر کے سوا دیگر افراد کے ہیلی کاپٹر استعمال کرنے کی اجازت پر بل پر دستخط سے انکار کیا تھا۔
ذرائع کے مطابق گورنر کے پی نے بل پر اعتراضات لگا کر اسمبلی سیکریٹری کو واپس بھجوا دیا تھا۔
