The news is by your side.

Advertisement

کے پی میں بلدیاتی انتخابات کا دوسرا مرحلہ،پولنگ جاری

 پشاور: خیبرپختونخوا میں بلدیاتی انتخابات کے دوسرے مرحلے میں پولنگ جاری ہے جو بغیر کسی وقفے کے شام پانچ بجے تک جاری رہے گی۔

صوبائی الیکشن کمیشن کے مطابق انتخابات اٹھارہ اضلاع کی پینسٹھ تحصیل کونسلز میں ہورہے ہیں، مجموعی طور پر اسی لاکھ ستاون ہزار سے زائد ووٹرز اپنا حق رائے دہی استعمال کریں گے۔

مجموعی طور پراٹھائیس ہزار سے زائد امیدوار میدان میں ہیں، انتخابی عمل کے لئے چھ ہزار سے زیادہ پولنگ اسٹیشن قائم کئے گئے ہیں، سولہ سو سے زائد پولنگ اسٹیشنز کو انتہائی حساس جبکہ تئیس سو چھبیس کو حساس قرار دیا گیا ہے۔

ترجمان الیکشن کمیشن کے مطابق شکایات کے اندراج اور نمٹانے کے لئے الیکشن کمیشن سیکریٹریٹ میں مرکزی کنٹرول روم قائم کردیا گیا ہے، کنٹرول روم مسلسل نتائج کے آنے تک قائم رہے گا۔بلدیاتی انتخابات کے دوسرے مرحلے میں پولنگ کے موقع پرسیکورٹی کے سخت انتظامات کئے گئے ہیں، چیف الیکشن کمشنر،سیکریٹری الیکشن کمیشن اوراسپشل سیکریٹری پولنگ کے عمل کی نگرانی کر رہے ہیں۔

ترجمان الیکشن کمیشن نے مزید کہا کہ پولنگ پر امن طور پر جاری ہے،ابھی تک کنٹرول روم میں کوئی شکایت موصول نہیں ہوئی۔

چیف الیکشن کمشنرکا کہنا ہے کہ عوام بلا خوف و خطر ووٹ ڈالنے آئیں،کسی کو قانون ہاتھ میں لینے کی اجازت نہیں دی جائے گی اورخلاف ورزی کرنے والوں سے سختی سے نمٹا جائے گا۔

Comments

یہ بھی پڑھیں