مظفرآباد: کے پی ایل کے تیسرے میچ میں مظفرآباد ٹائیگرز نے اوورسیز واریئرز کو 7 وکٹوں سے شکست دے دی۔
تفصیلات کے مطابق کے پی ایل کے تیسرے میچ میں مظفر آباد ٹائیگرز نے اوورسیز واریئرز کی جانب سے دیا جانے والا 154 رنز کا ہدف باآسانی 17.2 اوورز میں تین وکٹوں کے نقصان پر حاصل کرلیا۔
سہیل اختر نے 58 اور صہیب مقصود نے 52 رنز کی ناقابل شکست اننگز کھیلی، اوورسیز واریئرز کے کامران غلام دو وکٹیں حاصل کرسکے۔
Muzaffarabad Tigers finish it off in style! Thats the end of Match 3 with a victory for the Tigers. #KPL21 #KheloAazadiSe #SRGKPL pic.twitter.com/ARcHXOwGtO
— Kashmir Premier League (Official) (@kpl_20) August 7, 2021
اس سے قبل اوورسیز واریئرز نے پہلے بیٹنگ کرتے ہوئے 8 وکٹوں کے نقصان پر 158 رنز بنائے تھے۔
محمد نواز 35 رنز کے ساتھ نمایاں رہے، کپتان عماد وسیم نے 34 رنز کی اننگز کھیلی، سہیل خان نے 20 گیندوں پر 26 رنز بنائے، حیدر علی نے 25 رنز بناکر آؤٹ ہوئے۔
Maqsood with a powerful strike 💥#KPL21 #KheloAazadiSe #SRGKPL pic.twitter.com/cOFkzD7jAi
— Kashmir Premier League (Official) (@kpl_20) August 7, 2021
مظفر آباد ٹائیگرز کے اسامہ میر نے تین کھلاڑیوں کو پویلین کی راہ دکھائی جبکہ ارشد اقبال نے دو وکٹیں حاصل کیں۔
واضح رہے کہ اس سے قبل کھیلے جانے والے میچ میں باغ اسٹیلنز نے کوٹلی لائنز کو پانچ وکٹوں سے شکست دی تھی، اسد شفیق کو میچ کا بہترین کھلاڑی قرار دیا گیا تھا۔