گھر سے خوفناک کنگ کوبرا برآمد، گھر کا مالک خوف سے ساکت

تھائی لینڈ میں ایک شخص اس وقت خوف سے گنگ ہوگیا جب اس نے اپنے گھر کے پچھلے حصے میں ایک طویل خوفناک کنگ کوبرا سانپ دیکھا۔

یہ واقعہ تھائی لینڈ کے چھوٹے سے علاقے کربی میں پیش آیا، جہاں ایک مقامی شخص نے گھر کے کچے حصے میں کوبرا کو دیکھا۔

کوبرا سانپ 5 میٹر طویل اور نہایت خوفزدہ کردینے والا تھا۔

مذکورہ شخص نے جنگلی حیات کے ادارے کو اطلاع دی جنہوں نے فوری وہاں پہنچ کر صرف 4 منٹ کے اندر سانپ کو پکڑ لیا، اور اسے بحفاظت واپس جنگل میں چھوڑ دیا۔

کربی کا علاقہ جنگلات کے کنارے واقعہ ہے جس کی وجہ سے وہاں کے رہائشی اکثر و بیشتر سانپ، چھپکلیاں یا دیگر حشرات کے اپنے گھر میں آجانے سے پریشان رہتے ہیں۔

Comments