بالی ووڈ فلم انڈسٹری کی معروف اداکارہ کریتی سینن نے شادی سے متعلق سوال پر ساؤتھ انڈین اداکار پربھاس سے شادی کی خواہش ظاہر کردی۔
بھارتی میڈیا رپورٹس کے مطابق اداکارہ کریتی سینن حالیہ ریلیز ہونے والی ’بھیڑیا‘ کی پروموشن کے مصروف تھیں، میزبان نے ان سے سوال کیا تو اداکارہ نے پربھاس، ٹائیگر شیروف اور کارتک آریان کے نام لیے۔
اداکارہ نے کہا کہ ’میں ’فلرٹ‘ کارتک آریان کے ساتھ، ’ڈیٹنگ‘ ٹائیگر شیروف اور ’شادی‘ پربھاس سے کرنا چاہوں گی۔
کریتی سینن اور پربھاس نے اوم راوت کی فلم ’آدی پُرش‘ میں اداکاری کے جوہر دکھائے ہیں اور فلم کا ٹیزر گزشتہ دنوں ریلیز کیا گیا تھا۔
میڈیا رپورٹس کے مطابق آدی پُرش کے ٹریلر لانچ کے موقع پر کریتی سینن اور پربھاس کو عوامی سطح پر بھی دیکھا گیا تھا جب سے ہی دونوں سے متعلق خبریں سوشل میڈیا کی زینت بنیں اور کہا جانے لگا کہ شوبز جوڑی ڈیٹنگ کررہی ہے۔
If I ever get a chance to marry , I will Marry #Prabhas – @kritisanon 😛🥰🤪#AdiPurush pic.twitter.com/AAlvrmyah3
— Priyanka Prabhas , Forever Prabhas ♥@SalaartheSaga (@Darling_FanGirl) November 25, 2022
کریتی اور پربھاس سے متعلق سوشل میڈیا صارفین کی جانب سے اکثر قیاس آرائیاں کی جاتی رہتی ہیں۔ اداکارہ کے حالیہ انکشاف نے ساؤتھ اسٹار پربھاس کے مداح خوش ہوگئے ہیں۔
سوشل میڈیا صارفین کی جانب سے کریتی سینن اور پربھاس کی جوڑی سے متعلق تبصرے کیے جارہے ہیں۔
یہ پڑھیں: ورون اور کریتی کی فلم ’بھیڑیا‘ ریلیز ہوتے ہی ’ آن لائن لیک‘ ہوگئی
یاد رہے کہ ’بھیڑیا‘ میں کریتی سینن نے ورون دھون کے ساتھ مرکزی کردار ادا کیا ہے، امر کوشک کی ہدایت کاری میں بنائی جانے والی فلم کی دیگر کاسٹ میں ابھیشک بینرجی، دیپک دوبریال، سوربھ شکلا ودیگر شامل ہیں۔
