بالی وڈ کی اداکارہ کریتی سینن نے نیشنل ایوارڈز کی تقریب سے اداکار اللو ارجن اور سپر اسٹار عالیہ بھٹ کے ساتھ تصویریں شیئر کیں۔
بالی وڈ میں صفِ اوّل میں شمار کی جانے والی اداکاراؤں عالیہ بھٹ اور کریتی سینن نے اہم اعزاز حاصل کر کے مداحوں کو خوش کر دیا۔
بھارتی میڈیا کی رپورٹس کے مطابق بھارت میں 69ویں نیشنل فلم ایوارڈز کی تقریب کا انعقاد کیا گیا، جہاں بہترین اداکارہ کا نیشنل ایوارڈ عالیہ بھٹ اور کریتی سینن جبکہ بہترین اداکار کیلیے الو ارجن کو ملا۔
View this post on Instagram
عالیہ بھٹ کو مذکورہ ایوارڈ ان کی سُپرہٹ فلم ’گنگوبائی کاٹھیاواڑی‘، کریتی سینن کو فلم ’ممی‘ اور الو ارجن کو فلم ’پشپا: دی رائز‘ میں بہترین اداکاری کے عوض یہ ایوارڈ دیا گیا۔
اداکارہ کریتی سینن نے اس دن کو اپنی زندگی کا یادگار دن قرار دیا ہے اور ساتھ ہی فوٹو اینڈ شیئرنگ ایپ انسٹاگرام پر اپنی فیملی اور بالی وڈ کے اداکارؤں کے ساتھ تصاویر شیئر کی ہے۔
View this post on Instagram
پوسٹ کے کیپشن میں اداکاری نے لکھا کہ’ میں اس احساس کو الفاظ میں بیان نہیں کر سکتی، آج کا دن میری زندگی کے یادگار دنوں میں سے ایک ہو گا۔
بھارتی میڈیا کے مطابق ایوارڈ ملنے کے بعد اداکارہ نے گفتگو کرتے ہوئے کہا کہ ’ میں اپنی خوشی کا اظہار نہیں کرسکتی لیکن میں بہت خوش ہوں، یہ میرے لیے ایک بہت خاص لمحہ تھا کیوں کہ آج میرے والدین بھی یہاں موجود ہیں۔
View this post on Instagram
واضح رہے کہ کریتی سینن نے فلم میں ’میمی راٹھور‘ کا کردار ادا کیا جو ایک نوجوان خاتون ہیں جنہوں نے ایک غیر ملکی جوڑے کے لیے سروگیٹ ماں بننے کا فیصلہ کیا۔
اس فلم میں کریتی سینن کی اداکاری کو مداحوں اور ناقدین کی طرف سے یکساں طور پر سراہا گیا۔ کریتی کے علاوہ اس فلم میں پنکج ترپاٹھی اور سائی تمہنکر نے بھی معاون کردار ادا کیے تھے۔
