site
stats
انٹرٹینمںٹ

عالمی یوم خواتین پر سب سے ایماندارانہ پیغام

گزشتہ روز عالمی یوم خواتین پر دنیا بھر سے معروف افراد نے اپنے پیغامات دیے جس میں وہ خواتین کی اہمیت کا اعتراف کرتے دکھائی دیے۔

کسی نے خواتین کو با اختیار بنانے کا عزم ظاہر کیا، کسی نے کہا کہ ترقی کے لیے خواتین کی شمولیت ضروری ہے۔ مگر بالی ووڈ اداکارہ کریتی سنن نے اس دن کے لیے جو پیغام دیا اسے انٹرنیٹ پر سب سے زیادہ ایماندارانہ پیغام قرار دیا جارہا ہے۔

سوشل میڈیا پر پوسٹ کی جانے والی ایک ویڈیو میں کریتی سنن کہتی ہیں، ’آج یوم خواتین ہے، آج ہم بہت سے الفاظ سنیں گے، لڑکیوں کی طاقت، صنفی تفریق، وغیرہ وغیرہ‘۔

لیکن دوسری طرف ہماری سڑکیں ابھی بھی خواتین کے لیے غیر محفوظ ہیں اور ہمارے لباس کے بارے میں دوسرے فیصلہ کرتے ہیں کہ ہمیں کیا پہننا چاہیئے۔

انہوں نے کہا، ’ہم صرف باتیں کرتے ہیں، میں بھی باتیں کر رہی ہوں‘۔

آخر میں ویڈیو میں دکھائی دیتا ہے، ’ہیپی واٹ ایور‘۔

اس ویڈیو کے ذریعہ دراصل کریتی سنن نے خواتین کے لیے غیر محفوظ اور تنگ دل معاشروں پر تنقید کی۔

انہوں نے لوگوں کے اس دوغلے رویے کی طرف توجہ دلائی جس میں صرف ایک دن تمام لوگ خواتین کو ان کے حقوق دینے اور انہیں بااختیار بنانے کے عزائم ظاہر کرتے ہیں، لیکن اگلے ہی دن وہ پھر سے مختلف شعبوں میں خواتین کو پیچھے کھینچنے کی تگ و دو میں لگ جاتے ہیں۔

سماجی رابطوں کی ویب سائٹ ٹوئٹر پر کریتی سنن کے اس پیغام کو بے حد پسند کیا گیا۔ لوگوں نے اسے سچائی پر مبنی ایماندارانہ مگر تلخ خیالات قرار دیے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top