نئی دہلی : بھارتی ریاست بنگلور سے رکھنے والی سینئر خاتون صحافی گوری لنکیش کے قتل کے الزام میں پولیس نے نوین کمار نامی شخص کو گرفتار کرلیا۔
تفصیلات کے مطابق بھارتی پولیس کا کہنا ہے کہ ملزم نوین کمار کو اسلحے کی اسمگلنگ کے کیس میں گرفتار کیا گیا تھا اور دوران تفتیش ملزم نے گوری لنکیش کے قتل میں ملوث ہونے کا اعتراف کیا۔
بھارتی پولیس کا کہنا ہے کہ سینئر خاتون صحافی گوری لنکیش کے قتل کا مرکزی ملزم نوین کمار نہیں اور پولیس اب تک قتل کی وجوہات کا تپہ چلانے میں ناکام رہی ہے۔
بھارت: سچ لکھنے کی پاداش میں خاتون صحافی قتل
خیال رہے کہ گزشتہ سال 6 ستمبرکو بھارتی ریاست بنگلور سے تعلق رکھنے والی سینئر خاتون صحافی گوری لنکیش کو نامعلوم افراد نے فائرنگ کر کے قتل کردیا تھا۔
ہندو انتہا پسندوں اور مودی سرکار کی پالیسیوں کے خلاف کھل کر اپنی رائے کا اظہار کرتی تھیں، وہ ہفت روزہ مقامی میگزین سے منسلک تھیں اور اُن کے کالمز مختلف اخبارات میں شائع ہوتے تھے جبکہ وہ مقامی ٹیلی ویژن کے لیے بھی صحافتی امور سرانجام دے رہی تھیں۔
واضح رہے کہ بھارتی صحافتی تنظیم کے مطابق گزشتہ ایک سال کے اندر تقریباََ 40 صحافیوں کو مختلف علاقوں میں قتل کیا جاچکا ہے جو قابل تشویش ہے۔