بھارت کی مشہور زمانہ فلم ’’کچھ کچھ ہوتا ہے‘‘ جو آج سے 25 سال قبل بنائی گئی اپنی کہانی اور خوبصورت گیتوں کی بدولت آج بھی فلم بینوں کی پسندیدہ فلم شمار کی جاتی ہے۔
مذکورہ فلم کی کہانی دو ہیروئنوں اور ایک ہیرو راہول (شاہ رخ خان) انجلی (کاجول دیوگن) اور ٹینا (رانی مکھر جی) پر مشتمل ہے جس میں ٹینا کی شادی راہول سے ہوجاتی ہے اور اس کی اپنی بیٹی کی پیدائش کے کچھ دن بعد ہی موت واقع ہوجاتی ہے۔
اسی بات کے پیش نظر ایک سوشل میڈیا صارف نے اس فلم کی کہانی پر سوال اٹھایا اور اپنی ویڈیو میں تبصرہ کرتے ہوئے کہا کہ فلم ’’کچھ کچھ ہوتا ہے‘‘ دراصل ایک قتل کا معمہ تھی۔
صارف کرن میرچندانی نے انسٹاگرام پر اس فلم کے بارے میں اپنا تاثر شیئر کیا اور بتایا کہ وہ ایسا کیوں سوچتے ہیں کہ ’’کچھ کچھ ہوتا ہے‘‘ دراصل ایک قتل کا معمہ تھا۔
صارف کا ویڈیو میں کہنا ہے کہ فلم کو "ہائی اسکول رومانس” کے طور پر دکھایا گیا ہے لیکن یہ دراصل پراسرار قتل کا ایک دلچسپ معمہ ہے کیونکہ یہ حل نہ ہونے کے برابر ہے۔
کرن میرچندانی نے اپنے مؤقف کی مشکوک انداز میں کہانی کی وضاحت کرتے ہوئے بتایا کہ ایک لڑکی ہے جسے اپنی ماں کی طرف سے آٹھ خطوط موصول ہوتے ہیں، جو اس کی پیدائش کے بعد پراسرار طور پر مرگئی اور یہ آٹھ خطوط پراسرار طور پر لکھے گئے تھے، جس میں اس نے اپنی بیٹی کو اس بات پر قائل کرنے کی کوشش کی کہ اس کے شوہر یعنی بچی کے باپ راہول کو اپنے ہائی اسکول کی ایک لڑکی انجلی جس سے وہ بہت محبت کرتا ہے اسے ملانے کی ضرورت ہے۔
اسی بات کو بنیاد بنا کر صارف نے ماں (ٹینا) کے حقیقی ارادوں پر سوال اٹھایا ہے جس نے قیاس کیا تھا کہ اس بچی کی ماں نے ہی اسے خط لکھے تھے، صارف کے مطابق اس پورے منصوبے کے پیچھے راہول اور انجلی ہی ماسٹر مائنڈ تھے۔
صارف نے ویڈیو میں یہ بھی بتایا کہ ’انجلی اور راہل‘ اس فلم میں قتل کے ماسٹر مائنڈ کیوں تھے؟ صارف نے کہا کہ یہ دونوں کس طرح سے منظر میں آئے اور ہائی اسکول میں ٹینا سے ملے چونکہ ٹینا ایک امیر خاندان سے تعلق رکھتی تھی جس کی وجہ سے دونوں کو ایک ماسٹر پلان بنانے کا خیال آیا۔
کرن میر چندانی نے کہا کہ میں حیران ہوں کہ اس سوچے سمجھے منصوبے میں کیا راہول اور انجلی نے سوچا تھا کہ راہول ٹینا سے شادی کرسکتا ہے اور پھر وہ پراسرار طور پر مر بھی کرسکتی ہے۔
ٹینا کی موت کے بعد اس سازش میں صرف ایک ہی رکاوٹ تھی وہ تھی ٹینا کی بیٹی جس کا نام بھی خود ٹینا نے انجلی رکھا تھا، صارف حیران ہے کہ کیا یہی وجہ تھی کہ جرم میں دو شراکت داروں نے ایک مکمل فرضی رومانس ترتیب دیا تاکہ بچی کو بھی اپنے اس منصوبے میں شامل کیا جاسکے۔
سوشل میڈیا پر صارفین کی بڑی تعداد کرن میرچندانی کی اس وضاحت سے متاثر ہوئی اور اس کی حمایت میں اپنے ردعمل کا اظہار کیا۔ اب آپ اپنے کمںٹس میں ہمیں بتائیں کہ آپ اس نظریے کے بارے میں کیا سوچتے ہیں؟۔
