The news is by your side.

Advertisement

بھارت نے کلبھوشن یادیو تک قونصلر رسائی کا موقع گنوا دیا

اسلام آباد: بھارت نے پاکستان کی قید میں‌ موجود اپنے جاسوس کلبھوشن یادیو تک قونصلر رسائی کا پہلا موقع گنوا دیا.

حکومتی ذرائع کے مطابق پاکستان کی مخلصانہ پیشکش پر بھارت نے شرطیں عائد کر دیں، جس کی وجہ سے موقع ضایع ہوگیا.

بھارت نے پاکستان کی جانب سے ملاقات کے مقررہ وقت سے فقط دو گھنٹے پہلے اپنا جواب ارسال کیا. بھارتی جواب میں پاکستانی پیشکش پرغیر ضروری اعتراضات اٹھائے گئے.

پاکستانی حکومت کے مطابق کلبھوشن جاسوس اور حاضر سروس کمانڈر ہے، اس ضمن میں‌ بھارتی مطالبہ درست نہیں.

پاکستانی پیشکش میں واضح تھا کہ ملاقات آج سہ پہر تین بجے کرائی جانی تھی، البتہ اب بھارتی فرمائش پر مشاورت کے بعد جواب دیا جائے گا.

مزید پڑھیں: وزیراعظم عمران خان کا کلبھوشن سے متعلق عالمی عدالت کے فیصلے کا خیرمقدم

حکومتی ذرائع کے مطابق جاسوس کلبھوشن تک قونصلررسائی کی نئی تاریخ کا فیصلہ بعد میں کیا جائے گا.

خیال رہے کہ عالمی عدالت نے کلبھوشن یادیو کو بھارتی جاسوس ٹھہراتے ہوئے کہا تھا یادیو تک قونصلر رسائی دی جائے۔

پاکستان کی بھارتی جاسوس کو قونصلر رسائی دینے کی پیشکش پر بھارت نے کلبھوشن یادیو تک تنہائی میں رسائی مانگ لی تھی، اس فرمائش کی وجہ سے بھارت نے اپنے جاسوس تک رسائی کا موقع گنوا دیا۔

Comments

comments

یہ بھی پڑھیں