The news is by your side.

Advertisement

ایران نے بھارتی جاسوس کلبھوشن یادیو تک رسائی مانگ لی

تہران : ایران نے پاکستانی حکومت سے بھارتی جاسوس کلبھوشن یادیو تک رسائی کے لیے درخواست کردی، ایران کے وزیر خارجہ محمد جواد ظریف نے گذشتہ ہفتے پاکستان کا ایک انتہائی اہم دورہ کیا تھا۔

برطانوی نشریاتی ادارے بی بی سی کے مطابق کوئٹہ میں مقیم ایران کے قونصل جنرل محمد رفیع نے دو روز قبل ایک پریس کانفرنس میں اس بات کا انکشاف کیا تھا۔

ایرانی وزیرنے یہ دورہ گزشتہ دنوں دس ایرانی بارڈر فورسز کے اہلکاروں کے ہلاک ہونے والے واقعے کے بعد کیا، بی بی سی کے مطابق جب کوئٹہ میں مقیم ایران کے قونصل جنرل محمد رفیع سے یہ پوچھا گیا کہ آیا اس دورے کے دوران کلبھوشن یادیو کے بارے میں بھی کوئی بات ہوئی یا نہیں؟

اس حوالے سے ان کا کہنا تھا کہ کلبوشن یادیو کے حوالے سے کسی بھی قسم کی کوئی بات چیت عمل میں نہیں آئی۔ تاہم انہوں نے بتایا کہ ایرانی حکومت نے کلبھوشن یادیو سے پوچھ گچھ کے لیے پاکستانی حکام سے درخواست کی ہے۔

مزید پڑھیں : ایرانی فوج نے پاکستان میں کارروائی کی دھمکی دے دی

یاد رہے کہ بھارتی نیوی کے افسر کلبھوشن یادیو کو  3مارچ 2016 کو بلوچستان سے گرفتار کیا گیا تھا جہاں وہ ایران کے راستے پاکستان میں داخل ہوا تھا۔ جس کے بعد بھارت نے تسلیم کیا تھا کہ بلوچستان سے پکڑا جانے والا جاسوس کلبھوشن یادیو بھارتی نیوی کاافسر تھا، بحریہ سے قبل ازوقت ریٹائرمنٹ لی تھی۔

Print Friendly, PDF & Email

Comments

comments

یہ بھی پڑھیں