کویت سٹی: کویت ایئرویز (الکویتیہ) نے سعودی عرب کے لیے اپنی پروازیں بحال کرنے کا اعلان کردیا۔
غیرملکی خبررساں ادارے کی رپورٹ کے مطابق کویت ایئرویز نے سماجی رابطے کی ویب سائٹ ٹویٹرپر اپنے پیغام میں مسافروں کو آگاہ کیا ہے کہ سعودی عرب کے تین شہروں، ریاض، جدہ اور دمام کے لیے 25 اکتوبر سے پروازیں بحال کردی گئی ہیں۔
عودة التشغيل إلى الرياض وجدة والدمام
خدمتكم تسعدنا pic.twitter.com/Qjr4IKPgAv
— Kuwait Airways (@KuwaitAirways) October 21, 2020
واضح رہے کہ کویت نے کورونا وبا کے بحران پر 31 ملکوں کے لیے کمرشل پروازیں معطل کردی تھیں، کویت ایئرویز نے وبا کے دوران اعلان کیا تھا کہ تا ہدایت ثانی بین الاقوامی پروازیں معطل رہیں گی۔
یاد رہے کہ کویت ایئرویز کی جانب سے مصر، لبنان، ایران، شام اور عراق سمیت دیگر ممالک میں پروازیں بند کردی گئی تھیں۔
خیال رہے کہ کویت میں کورونا وبا سے جاں بحق افراد کی تعداد 756 تک پہنچ چکی ہے، وبا سے 1 لاکھ 14 ہزار سے زائد افراد صحت یاب ہوچکے ہیں۔