کویتی حکومت کا تارکین وطن کی مالی امداد کا فیصلہ

کویت سٹی : کویتی حکام نے کرونا وائرس کے باعث بیرون ملک پھنسے تارکین مدد کی مالی امداد کا فیصلہ کیا ہے۔

کرونا وائرس کے باعث دنیا بھر میں ہزاروں مسافر دوسرے ممالک میں پھنس گئے تھے جن کی حالت زار کوئی پوچھنے والا بھی نہیں تھا لیکن کویت نے بیرون ممالک میں پھنسے تارکین کےلیے اہم فیصلہ کیا ہے۔

کویتی وزیر سماجی امور مریم العقیل نے کہا ہے کہ جو افراد کوویڈ 19 کے باعث بیرون ممالک میں پھنس گئے ان کی مالی معاونت کی جائے گی اور ان کے واجبات میں سے کٹوتی بھی نہ کرنے کا فیصلہ کیا ہے۔

مریم العقیل نے واضح کیا کہ مالی معاونت ان افراد کی جائے گی جنہوں نے کم از کم 275 دن کویت میں مسلسل یا وقفے وقفے سے گزاریں ہوں۔

کویت وزیر کا کہنا تھا کہ اگر کویت سے باہر 90 دن سے زیادہ رہے ہیں تو کٹوتی کی جائے گی، اسی طرح قیام اگر 180 دن کا ہوگا تو مالی امداد صرف نوے دن کی ہوگی۔

Comments