کویت سٹی: کویت کی فضائی کمپنی جزیرہ ایئر ویز کرونا وائرس کے خلاف صف اول پر لڑنے والوں والے فرنٹ لائن ورکرز کو 50 ہزار مفت فضائی ٹکٹس دے گی۔
کویتی سرکاری نیوز ایجنسی کے مطابق کویت کی فضائی کمپنی جزیرہ ایئر ویز کرونا وائرس کی وبا پر قابو پانے کے لیے مسلسل کوشش کرنے والوں کو تحفے کے طور پر کویت بھر میں 50 ہزار مفت ایئر ٹکٹس دے گی۔
فضائی کمپنی کے چیئرمین مروان بودئی کی جانب سے کہا گیا ہے کہ ہمیں امیر شیخ صباح الاحمد الجابر الصباح اور حکومت کی جانب سے دی جانے والی ہدایات پر عمل پیرا ہونے پر فخر ہے۔
انہوں نے کہا کہ ہم اپنے ساتھی فرنٹ لائن ورکرز کو اس وبا کے خلاف لڑ کر اپنے لوگوں کو تحفظ فراہم کرنے کو ترجیح دینے کی کوششوں پر انعام دے رہے ہیں۔
یہ ٹکٹس 2021 کے آخر تک قابل استعمال رہیں گے اور فضائی کمپنی کی جہاں جہاں پروازیں جاتی ہیں ان میں سے کسی بھی مقام تک کا فضائی سفر کیا جا سکے تھا۔
ٹکٹس کی فراہمی کے لیے لوگوں کو نامزد کیا جائے گا اور حکومت ان کی منظوری دے گی۔
