کویت سٹی : کویتی حکام نے ملک میں روزگار کیلئے آنے والے غیرملکیوں کے ورک پرمٹ کو ایک معینہ مدت تک طے کردیا ہے جس کے پورا پونے کے بعد پرمٹ ازخود غیر فعال ہوجائے گا۔
تفصیلات کے مطابق کویت کی پبلک اتھارٹی برائے افرادی قوت (پی ایم اے) نے ورک پرمٹ کیلیے ایک سال کے حکومتی معاہدے کا نیا ضابطہ مقرر کیاہے۔
کویتی ذرائع ابلاغ میں بتایا گیا ہے کہ آبادیاتی امور میں ترمیم اور روزگار کی شرائط کو قانونی شکل دینے کیلئے پبلک اتھارٹی برائے افرادی قوت (پی ایم اے) نے سرکاری منصوبوں کیلئے ورک پرمٹ دینے کے قواعد کے نئے ضابطے کی منظوری دی ہے۔
نئے قانون کے مطابق اس معاہدے کی مدت صرف ایک سال ہوگی اور تاریخ اجراء کے ٹھیک ایک سال بعد وہ خود بخود منسوخ ہو جائے گا۔
کویتی ذرائع کا مزید کہنا ہے کہ ورک پرمٹ دینے کے بارے میں نئے ضوابط میں سرکاری معاہدوں کے ساتھ معاہدے کے اندراج کے علاوہ کارکنوں کی تعداد اور معاہدے کی مدت کا وضاحتی خط کرنا منسلک ہوگا۔
مزید پڑھیں : کویتی حکومت کا ورک ویزے جاری کرنے سے متعلق اہم فیصلہ
علاوہ ازیں اس حوالے سے مصدقہ ذرائع کا کہنا ہے پبلک اتھارٹی برائے افرادی قوت (پی ایم اے) نے حال ہی میں مفرور مزدوروں کے ورک پرمٹ کو منسوخ کرنے کی شرائط کا بھی اعلان کیا ہے۔
