پیر, مئی 20, 2024
اشتہار

آزاد کشمیر ضمنی الیکشن : نون لیگ نے پیپلز پارٹی پر دھاندلی کا الزام لگادیا

اشتہار

حیرت انگیز

مظفرآباد: وفاق میں اہم اتحادی پاکستان پیپلز پارٹی اور مسلم لیگ (ن) نے آزاد کشمیر کے ضمنی الیکشن میں ایک دوسرے پر دھاندلی کے الزامات عائد کردئیے۔

تفصیلات کے مطابق آذاد کشمیر کے علاقے باغ میں ایل اے 15 کے ضمنی انتخاب میں پاکستان پیپلز پارٹی کے ضیا قمر 16794 ووٹ لیکر آگے ہیں جبکہ پاکستان مسلم لیگ (ن) کے مشتاق منہاس16590ووٹ لیکردوسرے نمبر پر ہیں۔

ضمنی الیکشن کے نتائج ابھی مکمل بھی نہ ہوئے ہیں کہ ن لیگ کی جانب سے پیپلزپارٹی پردھاندلی کےالزامات عائد کردئیے گئے ہیں، لیگی رہنما حنا پرویز بٹ نے اپنے ٹوئٹ میں الزام عائد کیا کہ پیپلزپارٹی نےٹھپےلگانے والاکام کشمیرمیں بھی دکھا دیا ہے ، ساتھ ہی انہوں نے لکھا کہ "دھاندلی نا منظور”۔

- Advertisement -

وزیراعظم کے معاون خصوصی عطاتارڑ نے بھی الزام عائد کیا ہے کہ آزاد کشمیرباغ میں دھاندلی کی اطلاعات موصول ہورہی ہیں، ن لیگ کوآزاد کشمیر باغ کی نشست پرضمنی انتخابات میں واضح برتری ہے، ممکن نہیں کہ کچھ پولنگ اسٹیشنزپر80سے90فیصدپولنگ ہوجائے، پولنگ اسٹیشنزپر30سے39فیصد پولنگ ہے،ہم نتائج لیے بغیر نہیں جائیں گے۔

ادھر پاکستان پیپلز پارٹی کے رہنما فیصل کریم کنڈی نے کہا کہ ہم آزاد کشمیرمیں کوئی پہلی مرتبہ نہیں جیت رہے، پیپلزپارٹی کی کارکردگی سب کےسامنےہے، آزاد کشمیرکے لوگوں کی محبت پیپلزپارٹی کیساتھ شروع سےہے، ہمارے امیدوارکی شام سے واضح برتری تھی۔

فیصل کریم کنڈی نے کہا کہ باغ کی نشست پیپلزپارٹی کی تھی اورپی پی ہی کامیاب ہوگی،کسی کو لگ رہا ہے کہ ٹھپے لگ رہے ہیں تو ثبوت لےکرآئے، ٹھپے کے الزامات لگانے والےثبوت پیش کریں،ہارنے والی پارٹی ہمیشہ دھاندلی کےالزامات لگاتی ہے یہ کوئی نئی بات نہیں۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں